عثمان بزدار کا سیالکوٹ شہر کا بغیر پروٹوکول 2 گھنٹے طویل دورہ

تفصیلات کے مطابق وزیراعلیٰ پنجاب سردار عثمان بزدار اسلام آباد سے واپسی پر اچانک سیالکوٹ پہنچ ،  وزیر اعلی عثمان بزدار نے  سیالکوٹ شہر کا بغیر پروٹوکول 2 گھنٹے طویل دورہ کیا، وزیر اعلی عثمان بزدار نے شہر میں جاری ترقیاتی کاموں کا جائزہ لیا،  وزیر اعلی عثمان بزدار نے سیالکوٹ کے مختلف علاقوں کا وزٹ کیا اور  شہر میں صفائی کی صورتحال کا جائزہ لیا ،  وزیر اعلی عثمان بزدار نے شہر میں ٹریفک کی صورتحال کا بھی جائزہ لیا۔

وزیر اعلی عثمان بزدار نے شہر میں جاری مختلف ڈویلپمنٹ پراجیکٹس پر پیشرفت کا مشاہدہ کیا اور  سیالکوٹ کے ڈویلپمنٹ پراجیکٹس کی بروقت تکمیل کی ہدایت بھی کی۔

وزیر اعلی پنجاب عثمان بزدار کا کہنا ہے کہ  عوام کی فلاح و بہبود کے لئے ترقیاتی منصوبوں کو شفافیت کے ساتھ پایہ تکمیل پہنچائیں گے، سیالکوٹ سمیت ہر شہر کی ترقی اور مسائل پر نظر ہے۔

وزیراعلیٰ عثمان بزدار نے  لاء اینڈ آرڈر کی صورتحال کو مزید بہتر بنانے کا حکم دیا، انہوں نے کہا کہ  عوام کے جان و مال کے تحفظ کے لئے کوئی دقیقہ فروگزاشت نہ کیا جائے، پولیس اور عوام کے درمیان اعتماد کے رشتے کو مضبوط اور بہتر بنایا جائے،  میں آئندہ بھی ہر شہر کا اچانک دورہ کر کے صورتحال کا خود جائزہ لوں گا،۔

وزیر اعلی عثمان بزدارنے ڈپٹی کمشنر اور ڈی پی او کو طلب کر کے بریفنگ لی ،  وزیر اعلی عثمان بزدارنے میڈیا ٹیم کے بغیردورہ کیا ، وزیر اعلی عثمان بزدار سیالکوٹ شہر کا دورہ مکمل کر کے لاہور روانہ ہوگئے۔