پنجاب حکومت کا بے روزگار نوجوانوں کو اپنا کاروبار فراہم کرنے کی جانب اہم قدم

تفصیلات کے مطابق وزیر اعلیٰ پنجاب کی معاون خصوصی  ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر پیغام میں کہا کہ بز دار حکومت  نے  بے روزگار نوجوانوں کو اپنا کاروبار فراہم کرنے کی جانب اہم قدم اٹھایا ہے ۔ پنجاب روزگار اسکیم کے تحت نوجوانوں کو قرض فراہمی کا آغاز ہو گیا ہے اور ابتدائی طور پر 400 افراد کو 18 کروڑ مالیت کے چیک دیے جا چکے ہیں۔ان کاکہنا تھا کہ  اس اسکیم کے تحت نوجوانوں کو ایک لاکھ روپے سے ایک کروڑ روپے تک کے آسان قرض دیے جا رہے ہیں۔

ڈاکٹر فردوس عاشق اعوان نے  مزید کہا کہ پنجاب روزگار اسکیم کے تحت  مرد، خواتین اور خواجہ سراؤں میں 30 ارب سے زائد قرضے تقسیم کیے جائیں گے ۔ ان کا کہنا تھا کہ اس ا سکیم سے وزیراعظم عمران خان کے ویژن روزگار کے مواقع پیدا کرنے اور بےروزگاری پر قابو پانے میں مدد ملےگی لیکن پاکستان ڈیموکریٹک موومنٹ کے سیاسی بے روزگاروں کی بے روزگاری میں مزید اضافہ ہوگا۔

> پنجاب روزگار سکیم کے تحت مرد و خواتین اور خواجہ سراؤں میں 30ارب سے زائد قرضے تقسیم کئے جائیں گے۔

پنجاب روزگار سکیم سے وزیراعظم عمران خان کے ویژن روزگار کے مواقع پیدا کرنے اور بےروزگاری پر قابو پانے میں مدد ملےگی۔ لیکن PDM کے سیاسی بے روزگاروں کی بے روزگاری میں مزید اضافہ ہوگا۔

— Dr. Firdous Ashiq Awan (@Dr_FirdousPTI) March 15, 2021