پاکستان سمیت دنیا بھر میں یوم آب منایا گیا

 اس سال اس دن کا موضوع ہے  زیر زمین پانی ، ناقابل استعمال پانی کو استعمال کے قابل بنانا۔   صاف پانی ہر انسان کا بنیادی حق ہے اور اس لئے اس سے ہر ممکن فائدہ اٹھانا چاہیے تا کہ غریب سے غریب تر افراد تک یہ سہولت بہم پہنچائی جاسکے ۔

تعلیم کے ساتھ ساتھ پینے کا صاف پانی ہر فرد تک پہنچانا بے حد ضروری ہے،  اسی لئے ہر سال 22 مارچ کو عالمی یوم آب منایا جاتا ہے۔  ہر سال 22 مارچ کے دن ان افراد کو یاد کیا جاتا ہے کہ جو آج تک پینے کے صاف پانی اور نکاسی آب کی مناسب سہولیات کے انتظار میں ہیں۔ 

پنجاب کے وزیراعلیٰ سردار عثمان بزدار نے پانی کے عالمی دن کے موقع پر اپنے پیغام میں کہا کہ حکومت آئندہ نسلوں کےلئے آبی ذخائر کی تعمیر کےلئے پر عزم ہے۔انہوں نے کہا کہ خشک ہونے والے آبی ذخائر کو محفوظ بنانا ہماری قومی ذمہ داری ہے۔ وزیر اعلیٰ نے کہا کہ پاکستان کے پاس بہترین آبی ذخائر ہیں اور پانی سے بہترین استعمال کے ذریعے ملک کو خوشحال بنایا جاسکتا ہے۔