لاہور میں فیصلہ کن ٹیسٹ، پاکستان کی آسٹریلیا کے خلاف بیٹنگ جاری، 130 رنز پر ایک کھلاڑی آوٹ

لاہور : پاکستان نے آسٹریلیا کے 391 رنز کے جواب میں ایک وکٹ کے نقصان پر 130 رنز بنا لیے ہیں ۔

تفصیلات کے مطابق آسٹریلیا کے 391 رنز کے جواب میں پاکستان کی جانب سے عبداللہ شفیق اور امام الحق نے میدان میں اتر کر کھیل کا آغاز کیا لیکن امام الحق 11 رنز بنا کر کیومنز کی گیند پر ایل بی ڈبلیو ہو گئے اور پولین لوٹ گئے ۔ عبداللہ شفیق اور اظہر علی بہترین پارٹنر شپ قائم کرتے ہوئے نصف سینچریاں بنا چکے ہیں اور بیٹنگ جاری رکھے ہوئے ہیں ۔

اس سے قبل آسٹریلیا نے ٹاس جیت کر بیٹنگ کا فیصلہ کیا ، آسٹریلیا کی پوری ٹیم 391 رنز بنا کر آوٹ ہو گئی جس میں عثمان خواجہ 91 رنز کے ساتھ سرفہرست رہے ، ان کے علاوہ کیمرون گرین 79 سکور کے ساتھ دوسرے نمبر پر رہے جبکہ سٹیون سمتھ نے 59 ، الیکس کیری نے 67اور ٹراویس ہیڈ نے 26 رنز بنائے ۔

پاکستان کی جانب سے نسیم شاہ اور شاہین شاہ آفریدی نے بہترین گیند بازی کا مظاہرہ کرتے ہوئے چار چار کھلاڑیوں کو پولین کی راہ دکھائی جبکہ نعمان علی اور ساجد خان نے ایک ایک وکٹ حاصل کی ۔