جنوبی افریقہ :  تباہ کن سیلاب، شدید بارشوں سے 300 افراد ہلاک 

خبر رساں ایجنسی کے مطابق  شدید سیلابی  ریلے سے سینکڑوں گھر تباہ اور ہزاروں افراد بے گھر ہو گئے ، کئی شاہراہوں پر گڑھے پڑ گئے جس کے باعث مواصلاتی نظام اور حفاظتی کا رروائیوں میں رکاوٹ پیدا ہورہی ہے۔

جنوبی افریقہ کے محکمہ موسمیات کے حکام نے اسے ملکی تاریخ کے بدترین طوفانوں میں سے ایک قرار دیا ہے۔

محکمہ موسمیات کا کہنا ہے کہ کچھ علاقوں میں 24 گھنٹوں کے دوران 300 ملی میٹر سے زائد بارش ریکارڈ کی گئی ہے جس سے معمولات زندگی درہم برہم ہو گئے ہیں۔

مقامی حکام نے ہنگامی حالت کے نفاذ کا اعلان کیا ہے کیونکہ کچھ علاقوں میں ایک دن میں اتنی بارش ہوئی ہے جتنی ایک ماہ میں ہوتی ہے ۔  جنوبی افریقہ کے محکمہ موسمیات کا کہنا ہے کہ طوفان گزر چکا ہے البتہ ہفتے کے اختتام تک مزید بارش کا امکان ہے۔

جنوبی افریقہ کے صدر سیرل رامافوسا نے طوفان سے سب سے زیادہ متاثرہ جنوبی افریقہ کے ساحلی شہر ڈربن کا دورہ کیا اور متاثرین کو امداد کی فراہمی کا وعدہ کیا۔