عامر لیاقت کی تیسری بیوی دانیہ شاہ کی ایک اور ویڈیو سامنے آگئی

پاکستان کے مشہور ٹی وی میزبان عامر لیاقت کی تیسری اہلیہ سیدہ دانیہ شاہ نے اپنے انسٹاگرام پر ایک اور ویڈیو شئیر کی ہے جو کہ سوشل میڈیا پر وائرل ہو رہی ہے۔

اس ویڈیو میں دیکھا جا سکتا ہے کہ دانیہ خود کو عامر لیاقت کے چنگل سے آزاد کرانے پر مطمئن دکھائی دے رہی ہے اور ویڈیو کے بیک گراؤنڈ میں شعر پر لپسنگ کررہی ہیں۔

نئی ویڈیو کے سامنے آنے پر سوشل میڈیا صارفین کے جانب سے ملے جلے ردِعمل کا اظہار کیا جا رہا ہے جبکہ ایک صارف نے لکھا ہے کہ ‘ پروفائل’ سے عامر لیاقت کے ساتھ تصویر تو ہٹا دو۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Syeda Dania Official (@syedadaniaofficial)

واضح رہے کہ دانیہ شاہ نے عامر لیاقت سے طلاق لینے کے لئے عدالت سے رجوع کر رکھا ہے ، ان کا اپنے بیان میں کہنا ہے کہ عامر لیاقت نشہ کرتا، مجھے مارتا ،کھانا بھی وقت پر نہیں دیتا تھا اور ایک کمرے میں بند کرکے رکھا تھا، عامر لیاقت نشے کا عادی ہے اور مجھے گالیاں اور جان سے مارنے کی دھمکیاں دیتا تھا۔

علاوہ ازیں دانیہ کی والدہ کا اپنے ویڈیو بیان میں کہنا تھا کہ عامر لیاقت افواہیں پھیلانا بند کریں، عامر لیاقت نے تصویر شیئر کرتے ہوئے الزام لگایا تھا کہ دانیہ کے دوسرے لڑکے کے ساتھ غیر ازدواجی تعلقات ہیں تو یہ غلط ہے، یہ میرا اکلوتا بیٹا ہے اس کو بھی عامر نے دھمکیاں اور گالیاں دیں ہیں اور یہ دانیہ کا بھائی ہے اس سے 2 سال چھوٹا ہے، ہمیں پیسوں کی ضرورت نہیں بس عزت چاہیے اور اگر عامر لیاقت عزت والا ہوتا تو اس کا ہر ظلم برداشت کرتے، اور یہ کیس بھی نہ کرتے۔

یاد رہے کہ ڈاکٹر عامر لیاقت نے بھی دانیہ کے خلاف آخری حد تک کورٹ میں کارروائی جاری رکھنے کا دعویٰ کیا ہے۔