حکومت کا پیٹرولیم مصنوعات کی قیمتیں نہ بڑھانے کا فیصلہ

وفاقی وزیر خزانہ مفتاح اسماعیل نے پریس کانفرنس سے خطاب میں کہا ہے کہ عوام گرمی میں پیٹرول پمپس پر لائنوں میں نہ لگیں، پیٹرول کی قیمتیں مستقبل میں ایڈجسٹ کر دی جائیں گی،جانتا ہوں بہت مہنگائی ہوگئی ہے، پیٹرول اور ڈیزل مہنگا ہوا تو مہنگائی مزید بڑھ جائے گی، وزیراعظم نے کہا ہے کہ عوام پر مزید بوجھ نہیں ڈالا جانا چاہیے.

پریس کانفرنس سے خطاب میں انہوں نے کہا کہ عمران خان کی پالیسیوں کی وجہ سے معیشت کو پیٹرول اور ڈیزل پہ سبسڈی کی وجہ سے 120 ارب روپے ماہانہ نقصان پہنچ رہا ہے، اس کے ذمہ دار عمران خان ہی ہیں۔ زیراعظم شہبازشریف صاحب جب سے آئے ہیں یوٹیلٹی سٹورز پہ چینی 85 روپے سے کم کروا کے 70 روپے کروا دی ہے گھی کے اوپر بھی 190 روپے سبسڈی دے رہے ہیں.

وزیر خزانہ کا مزید کہنا تھا کہ 4 سال پہلے جب ہم حکومت چھوڑ کر گئے تو ہم چینی ایکسپورٹ کررہے تھےجب تحریک انصاف کی حکومت آئی تو انہوں نے پہلے سال بہت زیادہ چینی 48 روپے فی کلو میں ایکسپورٹ کی پھر اسی چینی کو 96 سے 98 روپے میں امپورٹ کیا گیا۔