پاکستان اور آئی ایم ایف کے درمیان پالیسی سطح کے حتمی مذکرات آج شروع ہونگے

ذرائع  وزات خزانہ کے مطابق پالیسی سطح کے مذاکرات کی قیادت وزیر خزانہ مفتاح اسماعیل کریں گے ، مذاکرات میں آئی ایم ایف کیجانب سے تاحال مثبت اشارے نہیں مل سکے تاہم  پاکستان اور آئی ایم ایف مذاکرات میں آج اور کل کا دن انتہائی اہم ہے،  مفتاح اسماعیل آئی ایم ایف کو پروگرام کی بحالی کیلئے رضامند کریں گے۔ 

ذرائع کے مطابق  مذاکرات کے دوران حکومت آئی ایم ایف کی مرحلہ وار تمام شرائط ماننے پر تیار ہو چکی، تکنیکی سطح کے مذاکرات سیکریٹری خزانہ کی سربراہی میں مکمل ہو چکے ہیں۔ 

ذرائع وزارت خزانہ  کے مطابق آئی ایم ایف کی جانب سے توانائی کے شعبے میں پاکستان پر سبسڈی ختم کرنے کا دباؤ ڈالا گیا  ، پالیسی ریٹ میں اضافہ بھی آئی ایم ایف کے مطالبے پر ہی کیا گیا ہے ، آئی ایم ایف کی جانب سے خسارے میں چلنے والے ریاستی  اداروں کی نجکاری کا مطالبہ بھی کیا گیا  ۔ 

ذرائع وزارت خزانہ کاکہنا ہے کہ  پالیسی سطح کے مذاکرات میں آئی ایم ایف کو اگلے بجٹ ترجیحات سے آگاہ کرے گا، 

وزیر خزانہ کی قیادت میں پالیسی سطح کے مذاکرات 25 مئی کو مکمل ہوں گے۔