لانگ مارچ روکنا غیرقانونی،قوم نیوٹرلز کو دیکھ رہی ہے: عمران خان

اسلام آباد: عمران خان نے کہا کہ قوم سے کہتا ہوں، کل خیبر پختونخوا سے ملکی تاریخ کا سب سے بڑا جلوس لے کر اسلام آباد کی طرف نکلوں گا، جگہ جگہ سے قافلے شامل ہوں اور ہم اسلام آباد پہنچیں گے۔
انھوں نے کہا کہ موجودہ حکومت کے خلاف احتجاج کو میں سیاست نہیں، جہاد سمجھتا ہوں۔
عمران خان نے کہا کہ ملک میں کسی کو جان کو خطرہ ہے، تو میری جان کو خطرہ ہے۔ لیکن مجھے اس کی کوئی فکر نہیں کیونکہ میں اس کو جہاد سمجھتا ہوں۔

سابق وزیراعظم عمران خان نے کہا  کہ میں عدلیہ سے پوچھ رہا ہوں کہ اگر آپ نے اس کی اجازت دی، جو یہ سارا ملک بند کر دیا ہے، رکاؤٹیں کھڑی کر دی ہیں۔ لوگوں کے گھروں پر چھاپے مار رہے ہیں۔
انھوں نے عدالیہ کو مخاطب کرتے ہوئے کہا کہ اگر آپ نے اجازت دی تو عدلیہ کی ساکھ ختم ہو جائے گی اور اس کا مطلب یہ ہو گا کہ یہاں جمہوریت نیہں ہے۔

سابق وزیراعظم عمران خان نے کہا ہے کہ عدلیہ سے کہتا ہوں کہ یہ آپ کا ٹرائل ہے، پوری قوم آپ کی طرف دیکھ رہی ہے۔ 
’ہم کہہ رہے ہیں کہ پرامن احتجاج ہے، جو ہمارا جمہوری حق ہے۔‘