نامور کوہ پیما علی رضا سدپارہ انتقال کرگئے

تفصیلات  کے مطابق  پاکستان کے نامور کوہ پیما علی رضا سدپارہ کی نماز جنازہ صبح 10 بجے اولڈ ینگ قبرستان میں  ادا کی جائے گی۔ اہل خانہ کے مطابق 55 سالہ کوہ پیما علی رضا گزشتہ کچھ دنوں سے ریجنل اسپتال میں زیر علاج تھے تاہم وہ جانبر نہیں ہوسکے  ۔

 سدپارہ معمول کی تربیتی مشق کے دوران پہاڑ سے گر کر شدید زخمی ہوگئے تھے۔ 

خاندانی ذرائع  کے مطابق 1986سے کوہ پیمائی کے شعبے سے وابستہ علی رضا نے رواں سال کے ٹو کی مہم جوئی پر جانا تھا ۔

 علی رضا سدپارہ کا شمار پاکستان کے معروف کوہ پیماؤں میں ہوتا ہے وہ ملک میں موجود 8 ہزار سے بلند پانچ چوٹیوں میں سے 4  کو متعدد بار سر کرنے کا اعزاز حاصل کرچکے ہیں۔

 انہوں نے نانگا پربت، گیشربرم ون، براڈ پیک اور گیشربرم ٹو کو متعدد بار  سر کیا ہے۔

وزیر اعلی پنجاب حمزہ شہباز نے کوہ پیما علی رضا سد پارہ کے انتقال پر اظہار افسوس کرتے ہوئے لواحقین سے دلی ہمدردی و اظہار تعزیت کی ہے ۔