عمران خان اگلی ٹرم کے لیے بھی تحریک انصاف کے چیئرمین منتخب

تفصیلات کے مطابق پاکستان تحریک انصاف کے انٹرا پارٹی انتخابات میں سابق وزیر اعظم عمران خان پارٹی کے بلا مقابلہ چیئرمین منتخب ہوگئے ہیں۔

دو پینلز کے امیدواران نے عمران خان کے حق میں انتخاب سے دستبرداری کا اعلان کیا جس میں ایک پینل کی سربراہی عمر سرفراز چیمہ جبکہ دوسرے پینل کی سربراہی نیک محمد کر رہے تھے۔

پاکسان تحریک انصاف کی جانب سے جاری اعلامیہ کے مطابق شاہ محمود قریشی بدستور وائس چیئرمین اور اسد عمر مرکزی سیکرٹری جنرل منتخب ہوئے ہیں جبکہ فرخ حبیب کو پارٹی کا مرکزی سیکرٹری اطلاعات منتخب کیا گیا ہے۔