نیپرا نے کراچی کے شہریوں پر بجلی بم گرادیا 

جی این این کے مطابق  نیپرا نے کراچی کے شہریوں پر بجلی گرادی ، کے الیکٹرک  کیلئے 9 روپے 66 پیسے فئ یونٹ  کا بڑا اضافہ کر دیا گیا ۔

بجلی کی قیمتوں میں  اضافہ مئی کی ماہانہ فیول ایڈجسٹمنٹ کی مد میں کیا گیا ہے۔ نیپرا اعدادوشمار کا جائزہ لینے کے بعد تفصیلی فیصلہ جاری کرے گا۔

کے الیکڑک حکام  کاکہنا ہے کہ کے الیکڑک نے380  ارب روپے وصول کرنے ہیں۔

اس حوالے سے چئیرمین نیپرا کاکہنا ہے کہ کے الیکڑک کو سستی بجلی لینے کے لیے نیپرا کی ضرورت ہوتو ہم حاضر ہیں ، ہم  سستی بجلی کے لیے وفاقی و صوبائی حکومت سے بات کرنے کو تیار ہیں۔ 

خیال رہے کہ کے الیکٹرک نے صارفین کے لیے فی یونٹ بجلی میں چندروز قبل5.27 روپے مہنگی کی تھی جو اپریل کی فیول پرائس ایڈجسٹمنٹ کی مد میں مہنگی کی گئی تھی۔