جی این این سوشل

تجارت

آئی ایم ایف قرض کی قسط رواں ماہ کے آخر میں ملنے کا امکان

 پاکستان کو اگست کے آخر میں  آئی ایم ایف قرض پروگرام کی قسط ملنے کا امکان ہے۔

پر شائع ہوا

کی طرف سے

آئی ایم ایف قرض کی قسط رواں ماہ کے آخر میں ملنے کا امکان
جی این این میڈیا: نمائندہ تصویر

 

پاکستان کو قرض پروگرام کی قسط جاری کرنےکیلئے آئی ایم ایف ایگزیکٹو بورڈ اجلاس 29 اگست کوطلب کر لیا گیا۔ اکتیس اگست کودفتری اوقات کارختم ہونے سےپہلے رقم پاکستان کےاکاؤنٹ میں منتقل ہونے کاامکان ہے۔

وزیرخزانہ مفتاح اسماعیل کہتے ہیں کہ اظہارآمادگی کالیٹر جلد دستخط کرکے آئی ایم ایف کو بھیج دیں گے۔ ان کا کہنا ہے کہ گزشتہ ماہ دستخط کیے گئے اسٹاف لیول معاہدے اور اقتصادی اور مالیاتی پالیسیوں کی میمورینڈم کے تحت پروگرام کی بحالی کے لیے آئی ایم ایف کی جانب سے اظہارِ آمادگی کا خط موصول ہو گیا ہے۔ یہ اقدام 4 دوست ممالک کی جانب سے 4 بلین ڈالر کی  مالی اعانت کی تکمیل کے بعد کیا گیا ہے۔ 

یاد رہے کہ آئی ایم ایف نے پاکستان کو ایک ارب 17کروڑ ڈالر  کی قسط ادا کرنی ہے جس کے لیے پاکستان عالمی مالیاتی فنڈ کی پیشگی شرائط بھی پوری کر چکا ہے۔

پاکستان

غلامی سے موت بہتر ہے، عوام اگلی کال کا انتظار کریں، عمران خان

رحیم یار خان : چیئرمین تحریک انصاف عمران خان نے کہا ہے کہ غلامی سے موت بہتر ہے، عوام اگلی کال کا انتظار کریں پاکستانی عوام سیلاب متاثرین کی بھرپور مدد کریں۔ اللہ کا شکر ہے میری قوم میں شعور آرہا ہے۔

پر شائع ہوا

ویب ڈیسک

کی طرف سے

غلامی سے موت بہتر ہے، عوام اگلی کال کا انتظار کریں، عمران خان

ان خیالات کا اظہار انہوں نے رحیم یار خان میں ایک بڑے جلسہ عام سے خطاب کرتے ہوئے کیا، انہوں نے کہا کہ سارے پاکستانیوں سے کہتا ہوں کہ سیلاب متاثرین کی جتنی بھی کوشش ہوسکے مدد ضرورکریں۔

جلسے سے خطاب میں عمران خان کا کہنا تھا کہ غلامی سے موت بہتر ہے، عوام اگلی کال کا انتظار کریں، جب میں نے کہا کہ اسلام آباد میں جلسہ کروں گا تو راناثنااللہ نے دھمکیاں شروع کردیں، راناثنا اللہ سن لو اب کی بار کپتان پوری پلاننگ کرکے آئے گا۔

عمران خان نے کہا کہ 8گھنٹے میں پاکستانیوں نے سیلاب متاثرین کیلئے14ارب روپے دیئے ہیں، قوم کو اعتماد ہوجائے کہ ان کا پیسہ درست جگہ پر خرچ ہورہا ہے تو وہ دل کھول کرچندہ دیتی ہے، ہمارے پاکستانی دنیا بھر میں دل کھول کرمدد کرنے والے لوگ ہیں۔

انہوں نے کہا کہ انگریز بھی دو سال میں اردو سیکھ لیتا ہے لیکن افسوس ہوا ہمارے کرائم منسٹر اور اردو سیکھنے والے بلاول بھٹو امریکا گئے ہوئے ہیں، سیلاب متاثرین پریشان ہیں اوریہ لوگ یہاں سے اٹھ کرامریکا چلے گئے ہیں۔

سابق وزیر اعظم کا کہنا تھا کہ دنیا بھر سے لوگ سیلاب متاثرین کیلئے یہاں مدد کیلئے آرہے ہیں جبکہ یہ لوگ امریکا میں مہنگے ترین ہوٹلز میں قیام رکھے ہوئے ہیں، ایک طرف بھیک مانگنے جارہا ہے اور شو مارنے کیلئے مہنگے ہوٹلز میں رکے ہوئے ہیں۔

عمران خان نے کہا کہ اللہ تعالیٰ کا شکر ہے کہ میری قوم میں شعور آرہا ہے، میں وزیراعظم بننے سے زیادہ اس بات کا شکر گزار ہوں کہ میری قوم باشعورہوگئی ہے۔

عمران خان نے کہا کہ دونوں مریموں کے پاس جھوٹ بولنے کی پی ایچ ڈی ہے، جاوید لطیف کے ذریعے پریس کانفرنس کرائی گئی کہ جیسے میں نے مذہب کی توہین کی ہو، ان کی کوشش ہے کہ میرے پرجو بھی واردات ہوگی تو کہیں گے کہ مذہبی جنونی نے اقدام اٹھایا۔

ان کا کہنا تھا کہ عمران خان کو نااہل کرانے کی انہوں نے پوری کوشش کی، یہ لوگ عمران خان سے ڈرتے ہیں اسی لیے الیکشن سے بھاگ رہے ہیں، ان سب کو معلوم ہے کہ عمران خان آئندہ الیکشن جیت جائیں گا،

چیئرمین پی ٹی آئی نے کہا کہ یہ لوگ30سال سے کرپشن کررہے ہیں اور ایک دوسرے پر کرپشن کے کیسز بنائے، آج یہ باری باری اپنے کیسز ختم کرا رہے ہیں اور باریاں لے رہے ہیں۔ اگرکوئی یہ سمجھتا ہے ہم بھیڑبکریوں کی طرح چپ کرکے تماشہ دیکھیں گے تو ایسا ممکن نہیں، جب تک میری میں جان ہے ان کیخلاف نکلوں گا اور قوم کو بھی نکالوں گا۔

پڑھنا جاری رکھیں

علاقائی

اسلام آباد : ڈینگی سے متاثرہ مریضوں کی تعداد میں اضافہ 

اسلام آباد: وفاقی دارالحکومت میں ڈینگی کے وار بے قابو،  ڈینگی سے جاں بحق ہونیوالوں کی  تعداد پانچ  جبکہ متاثرہ مریضوں کی تعداد میں اضافہ ہوا  ہے ۔ 

پر شائع ہوا

ویب ڈیسک

کی طرف سے

اسلام آباد :  ڈینگی سے متاثرہ مریضوں کی تعداد میں اضافہ 

جی این این   کے مطابق   اسلام آباد میں گزشتہ چوبیس گھنٹوں میں ڈینگی  سے 85 افراد متاثر ہوئے  ،  اسلام آباد میں ڈینگی کی مجموعی تعداد  1819 تک جا پہنچی   ہے ۔ 

وفاقی دارالحکومت  کے شہری علاقوں میں  گزشتہ  24  گھنٹے کے دوران  ڈینگی کے 31 کیسز رپورٹ ہوئے ہیں ۔ 

ڈی ایچ او کے مطابق  شہر کے دیہی علاقوں میں ڈینگی کے  1102 مریض ہیں ،  گزشتہ چوبیس گھنٹے کے دوران ڈینگی سے 54 کیسز رپورٹ ہوئے ہیں ۔ 

اسلام آباد کے پمز ہسپتال میں گزشتہ چوبیس گھنٹے کے دوران ڈینگی کے 18 افراد میں ڈینگی کی تشخیص   ہوئی  جس کے بعد پمز ہسپتال میں ڈینگی کے کل مریضوں کی تعداد 276 تک جا پہنچی ہے۔  

ڈی ایچ او  کے مطابق  پولی کلینک میں ڈینگی کے 72 جبکہ کیپٹل اسپتال میں 39 مریض زیر علاج ہیں۔ 

خیال رہے کہ پاکستان میں ڈینگی کا پہلا کیس 1994 ء میں کراچی میں سامنے آیا لیکن بڑے پیمانے پر ڈینگی بخار 2010ء اور 2011ء میں نمودار ہوا ۔  ایک محدود اندازے کے مطابق 2011ء میں 370 کے قریب  مریض جان سے ہاتھ دھو بیٹھے جبکہ 15ہزار افراد اس سے متاثر ہوئے ۔
 

پڑھنا جاری رکھیں

پاکستان

تحریک انصاف کا سندھ حکومت کیخلاف تحریک چلانے کا فیصلہ

ملتان: تحریک انصاف نے سندھ حکومت کے خلاف تحریک چلانے کا فیصلہ کر لیا۔

پر شائع ہوا

ویب ڈیسک

کی طرف سے

تحریک انصاف کا سندھ حکومت کیخلاف تحریک چلانے کا فیصلہ

پاکستان تحریک انصاف (پی ٹی آئی) کے وائس چیئرمین شاہ محمود قریشی نے کہا ہے کہ سندھ کے عوام کو پیپلز پارٹی سے نجات دلانی ہے اور سیلابی صورتحال بہتر ہونے کے بعد سندھ میں تحریک چلائی جائے گی۔

انہوں نے کہا کہ عمران خان جلد سندھ کا دورہ کریں گے وہ اب اور انتظار نہیں کریں گے۔ نواز شریف کو سرپرائز ملے گا۔

شاہ محمود قریشی نے کہا کہ اسمبلی میں واپسی سمیت تمام آپشن موجود ہیں لیکن اس کا اعلان عمران خان کریں گے اور ہم اپنے کارڈز شو نہیں کریں گے۔

انہوں نے کہا کہ ہم نے اسمبلی کے اندر بھی سیاست کر کے دکھائی ہے۔

پڑھنا جاری رکھیں

ٹرینڈنگ

Take a poll