کراچی این اے 245، عمران خان کی ووٹرز کو خصوصی ہدایت

سماجی رابطے کی ویب سائیٹ ٹوئیٹر پر جاری پیغام میں سابق وزیر اعظم عمران خان نے کہا کہ ہم کراچی این اے 245 کا الیکشن جیتنے کے راستے پر ہیں۔

انہوں نے کہا کہ ہمارے کیمپ ووٹرز سے بھرے پڑے ہیں جبکہ اپوزیشن کے کیمپ خالی ہیں،اپنے تمام ووٹرز جنہوں نے اب تک ووٹ نہیں ڈالا ان سے کہہ رہا ہوں کہ وہ فوری طور پر ووٹ ڈالنے جائیں۔ 

We are on our way to winning Karachi NA 245 election. Our camps are full of voters while opposition camps are empty. I am asking all our voters to go immediately to vote if they haven't already done so.

— Imran Khan (@ImranKhanPTI) August 21, 2022

خیال رہے کہ کراچی کے حلقے این اے 245 کی نشست تحریک انصاف کے ڈاکٹر عامر لیاقت کے انتقال سے خالی ہوئی تھی، ضمنی الیکشن کے لیے پولنگ کا عمل صبح 8 بجے سے جاری ہے جو کہ شام 5 بجے اختتام پذیر ہوگا۔

حلقے میں پی ڈی ایم کے امیدوار معید انور اور پی ٹی آئی کے امیدوار محمود مولوی کے درمیان کانٹے کے مقابلے کی توقع ہے، ڈاکٹر فاروق ستار آزاد امیدوار کے طور پر مقابلے میں موجود ہیں۔