قومی کرکٹ ٹیم نے نیدرلینڈز کیخلاف مسلسل تیسرا میچ جیت کر سیریز میں کلین سوئپ کر لیا

پاکستانی ٹیم نے ٹاس جیت کا بلے بازی کا فیصلہ کیا تو 49ویں اوور میں 206 رنز بنا کر آل آؤٹ ہوگئی تھی، 207 رنز کے ہدف کے تعاقب میں نیدر لینڈز کی ٹیم صرف 197 رنز ہی بنا سکی۔

نیدر لینڈز کی جانب سے ٹام کوپر 62 اور وکرم جیت سنگھ 50 رنز بنا کر نمایاں رہے، پاکستان کی جانب سے نسیم شاہ نے 5 جب کہ محمد وسیم نے 4 کھلاڑیوں کو پویلین کی راہ دکھائی۔

پہلی اننگز میں قومی ٹیم کے کپتان بابر اعظم 91 رنز بنا کر آؤٹ ہوئے،  محمد نواز 27، فخر زمان 26 اور آغا سلمان 24 رنز کے ساتھ  نمایاں بلے باز رہے تھے۔

تین ایک روزہ میچز کی سیریز میں پاکستان پہلے ہی 2 میچ جیت کر سیریز اپنے نام کر چکا تھا، آج تیسرا میچ بھی جیت کر قومی ٹیم نے سیریز میں کلین سوئپ کر لیا۔