لیڈی ڈیانا کو دنیا سے رخصت ہوئے25 برس بیت گئے

لاکھوں کروڑوں  دلوں میں گھر کرنے والی  لیڈی ڈیانا یکم جولائی 1961 کو برطانیہ  کے شہر نارفورک میں پیدا ہوئیں ۔

پرنسس آف ویلز شہزادی ڈیانا29جولائی 1981 کو برطانیہ کے ولی عہد شہزادہ چارلس کے ساتھ رشتہ ازدواج میں منسلک ہوئیں ۔ ان کی شادی کی تقریب دنیا بھر میں کروڑوں لوگوں نے  براہ راست دیکھی لیکن بدقسمتی سے یہ شادی گیارہ سال ہی چل سکی ۔ ان کے دو بیٹے شہزادہ ولیم اور شہزادہ ہیری ہیں۔

ڈیانا کی عالمی سطح پر مقبولیت کا بڑا سبب ان کی خوبصورت شخصیت تھی اور طلاق کے بعد بھی ان کی مقبولیت میں کوئی کمی نہ آئی۔

ان کی مقبولیت کا اندازہ اس بات سے بھی لگایا جاسکتا ہے کہ دنیا میں سب سے زیادہ تصاویر لیڈی ڈیانا کی کھینچی گئیں۔ 

 شہزادی کو ہمیشہ سے ہی تعلیمی سرگرمیوں سے زیادہ فلاحی کاموں میں دلچسپی تھی ۔ برطانوی شاہی خاندان کا حصہ بننے والی شہزادی ڈیانا فیشن اور انسانی ہمدردی کی وجہ سے لوگوں میں بے حد مقبول ہوئیں۔

لیڈی ڈیانا پیرس میں 31 اگست 1997کو ایک کار حادثے میں  جاں بحق ہوگئیں۔ شہزادی ڈیانا کی آخری رسومات کی ادائیگی اور تدفین کے دوران ویسٹ منسٹر ایبے سے نارتھ ہیمشائر کے راستے میں ہزاروں افراد موجود تھے  ۔ دنیا بھر میں ان کی فلاحی  خدمات ہمیشہ یاد رکھی جائیں گی۔