شیخوپورہ میں سوتے ہوئے 8 افراد تیزدھار آلے سے قتل

جی این این کے مطابق شیخوپورہ کے نواحی گاؤں ہچڑ   میں مختلف مقامات سے 8 لاشیں برآمد ہوئی ہیں ۔ شیخوپورہ پولیس نے قتل کے افسوسناک واقعات میں ملوث ملزم فیض کو گرفتار کرلیا ۔

ڈی پی او شیخوپورہ  فیصل مختار کے مطابق ملزم نے تمام افراد کو ایک ہی رات میں تیزدھار آلے اور آہنی راڈ سے قتل کیا ۔ ملزم نے  گلیوں اور کھیتوں میں سوئے افراد کو رات نشانہ بنایا۔ 

ڈی پی او  کا کہنا ہے کہ  ابتدائی  تحقیقات کے مطابق  ملزم پر مبینہ طور پر ذہنی مریض لگتا ہے ۔ پولیس نے سارے علاقہ کو محاصرے میں لے کر تفتیش شروع کردی ہے ۔ 

آئی جی پنجاب  نے شیخوپورہ کے نواحی گاؤں ہچڑ میں مختلف مقامات پر 8 افراد کے قتل کے واقعہ کا نوٹس لے لیا ہے ،  آئی جی پنجاب نے آر پی او شیخوپورہ سے واقعہ کی رپورٹ طلب کرتے ہوئے واقعہ کی تمام پہلوؤں سے تحقیقات کرنے کا حکم دے دیا ۔ 

دوسری جانب وزیر اعلی پنجاب پرویز الہیٰ نے 8 افراد کے قتل کے واقعہ کا نوٹس لے  لیا۔ چودھری پرویزالٰہی نےکہا کہ افسوسناک واقعہ کی ہر پہلو سے تحقیقات کرکے رپورٹ پیش کی جائے۔