کیا شوگر کے مریض خون عطیہ کر سکتے ہیں ؟

ذیابیطس کے مریضوں میں بھی اسی طرح کی ایک قیاس آرائی عام ہے ، جو سمجھتے ہیں کہ ذیابیطس والے لوگ خون کا عطیہ نہیں کرسکتے ہیں۔

طبی ماہرین نے وضاحت کی ہے کہ جب کہ بہت سارے لوگوں کا خیال ہے کہ ذیابیطس کے مریض خون کا عطیہ نہیں کرسکتے ہیں اور خون کا عطیہ کرنے سے بلڈ شوگر کی سطح متاثر ہوتی ہے ، لیکن حقیقت میں ایسا نہیں ہے۔

ان کا کہنا ہے کہ ذیابیطس کے مریض خون کا عطیہ کرسکتے ہیں ، لیکن اس بات کو یقینی بنانا ضروری ہے کہ ان کے بلڈ شوگر کی سطح معمول پر رہے لیکن  انسولین لینے والے افراد خون  عطیہ نہیں کرسکتے ہیں ، لیکن ذیابیطس کے وہ مریض جو عام دوائیں لیتے ہیں وہ خون کا عطیہ کر سکتے ہیں۔

طبی ماہرین کا کہنا ہے کہ ذیابیطس میٹابولزم کی بیماری ہے ، اس سے مریض کے جسم پر اثر پڑتا ہے ، خون پر نہیں ، لیکن اس بات کو دھیان میں رکھنا چاہئے کہ اگر مریض کو دل یا گردے کی بیماری نہیں ہے تو وہ خون کا عطیہ کرسکتا ہے۔

ڈاکٹروں کا کہنا ہے کہ ہر صحتمند فرد کو خون کا عطیہ کرنا چاہئے اور شوگر کے مریضوں کو ایسا کرنے سے ہچکچانا  نہیں  چاہئے۔

طبی ماہرین کا یہ بھی کہنا ہے کہ خون کا عطیہ دیتے وقت کچھ چیزوں کو دھیان میں رکھنا چاہئے ، جیسے روزہ نہ رکھنا ، اچھی طرح سے کھانا کھایا ہو اور عطیہ کرنے سے پہلے خون کا نمونہ دیں۔ خون کا عطیہ کرتے وقت کچھ لوگوں پر غنودگی طاری ہوجاتی ہے لہذا کسی کو خالی پیٹ نہیں جانا چاہئے۔