گیس لیکج سے زوردار دھماکہ، مکان زمیں بوس، 4افراد جاں بحق

تفصیلات کے مطابق یہ افسوس ناک واقعہ لاہور کے علاقے  برکی روڈ پر واقع پنگالی گاؤں میں پیش آیا جہاں   ایک مکان میں گیس بھر گئی اور جیسے ہی گھر میں آگ جلانے کی کوشش کی گئی تو اچانک زور دار دھماکا ہوا اور مکان زمین بوس ہو گیا۔ ملبے تلے دب کر 4 افراد موقع پر ہی دم توڑ گئے ، جبکہ 12 افراد زخمی ہیں ۔واقعے  کی اطلاع ملتے ہی ریسکیو اورامدادی ٹیمیں موقع پر پہنچ گئیں اور زخمیوں  کو ابتدائی طبی امداد کیلئے   سروسز اور میو اسپتال منتقل کر دیا گیا ہے ۔

ڈپٹی کمشنر لاہور مدثر ریاض  نے چارافراد کے جاں بحق ہونے پر اظہار افسوس کرتے ہوئے   ریسکیو 1122 کو  گھر کا ملبہ ہٹانے اور زخمیوں کو بہترین طبی سہولیات کی فراہمی کی ہدایت کی ہے۔