فلم ’راولپنڈی ایکسپریس‘ کے مرکزی کردار کا اعلان کر دیا گیا

محمد فراز قیصر کی سرپرستی میں بننے والی فلم ’راولپنڈی ایکسپریس‘ میں شعیب اختر کا کردار گلوکار اور اداکار عمیر جسوال ادا کریں گے۔ فلم کے حوالے سے تمام معلومات اس کے سوشل میڈیا پیج کے ذریعے باضابطہ طور پر عوام کے ساتھ شیئر کی گئی ہیں۔

اس سے قبل فلم کی کاسٹنگ کے حوالے سے بھی پاکستان کے مختلف شہروں سے اداکاروں کے آڈیشن کا اعلان کیا گیا تھا، جس کے بعد اب فلم کے مرکزی کردار کے حوالے سے خبریں سامنے آ رہی ہیں۔

انسٹاگرام پیچ پر فلم کا پوسٹر بھی جاری کر دیا گیا ہے جبکہ ایک اور پوسٹ میں اداکار عمیر جسوال کو شعیب کے نام کی گرین شرٹ زیب تن کیے ہوئے کرکٹ گراونڈ میں دیکھا جاسکتا ہے۔

فلم کو دبئی سے تعلق رکھنے والے فلم میکر فراز قیصر بنا رہے ہیں. جنہوں نے 2003 کے ورلڈ کپ کے دوران پاکستان اور انگلینڈ کے میچ میں شعیب اختر کی تیز ترین بولنگ سے متاثر ہوکر فلم بنانے کا ارادہ کیا ہے۔

فلم کو پاکستان ، دبئی ، آسٹریلیا اور برطانیہ میں عکس بند کیا جائے گا جبکہ اس کی نمائش آئندہ برس 16 نومبر تک متوقع ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Rawalpindi Express - The Movie (@rawalpindiexpress.film)