شاہین شاہ آفریدی انگلینڈ کیخلاف سیریز سے باہر، سرفراز کی واپسی 

لاہور : پاک انگلینڈ ٹیسٹ سیریز کیلئے قومی اسکواڈ کا اعلان کردیا گیا جس میں شاہین شاہ آفریدی  انجری کے باعث باہر جبکہ سابق کپتان سرفراز احمد کو  شامل کیا گیا ہے۔

پاکستان کرکٹ بورڈ (پی سی بی) کے چیف سلیکٹر محمد وسیم نے انگلینڈ کے خلاف ٹیسٹ سیریز کے لیے 18 رکنی پاکستانی اسکواڈ کا اعلان  کیا ہے۔

چیف سلیکٹر محمد وسیم کی جانب سے اعلان کردہ اسکواڈ میں بابر اعظم، محمد رضوان، عبد اللّٰہ شفیق، ابرار احمد، فہیم اشرف، حارث رؤف اور امام الحق  شامل ہیں۔

اس کے علاوہ محمد علی، محمد نواز، محمد وسیم جونیئر، نسیم شاہ، نعمان علی، سلمان علی آغا، سرفراز احمد، سعود شکیل، شان مسعود اور زاہد محمود بھی 18 رکنی ٹیم کا حصہ ہیں۔ 

فواد عالم، یاسر شاہ اور حسن علی ٹیم میں جگہ نہیں  بنا سکے۔ 

? Our 18-player squad for the three-Test series against England ?#PAKvENG pic.twitter.com/NOXoTMPYDx

— Pakistan Cricket (@TheRealPCB) November 21, 2022

واضح رہے کہ انگلینڈ اور پاکستان کے درمیان 3 ٹیسٹ میچوں کی سیریز کھیلی جائے گی، پہلا ٹیسٹ میچ یکم دسمبر سے پنڈی اسٹیڈیم میں شیڈول ہے۔

دوسرا ٹیسٹ 9 دسمبر سے ملتان اور تیسرا 17 دسمبر سے کراچی میں کھیلا جائے گا۔