انڈونیشیا میں  زلزلے نے تباہی مچادی ، 20 سے زائد افراد ہلاک 

غیر ملکی میڈیا کے مطابق زلزلہ  انڈونیشیا کے  صوبہ  مغربی جاوا میں  آیا ، زلزلے کی شدت اس قدر زیادہ تھی کہ اس  کے جھٹکے انڈونیشین دارالحکومت جکارتہ میں بھی محسوس کیے گئے۔

امریکی  جیولوجیکل سروے کے مطابق زلزلے کا مرکز  مغربی  جاوا کا علاقہ سیانجر تھا اور اس کی گہرائی 10 کلومیٹر ریکارڈ کی گئی ۔  

میڈیا رپورٹس کے مطابق زلزلے کے نتیجے میں علاقے میں 20 سے زائد افراد ہلاک  جبکہ 300 کے  زخمی ہونے کی اطلاعات ہیں ۔

زلزلے سے درجنوں عمارتوں  کو نقصان پہنچا  ہے،  زلزلے کے جھٹکوں سے جکارتہ میں بھی متعدد عمارات 3 منٹ تک لرزتی رہیں جبکہ کچھ کو خالی بھی کرایا گیا۔

اس سلسلے میں  امدادی کارروائیاں جاری ہیں ۔ 

خیال رہے کہ انڈونیشیا میں  مسلسل زلزلے اور آتش فشاں پھٹنے    والے علاقے میں آباد ہے اور اکثر یہاں زلزلے آتے رہتے ہیں ۔

اس سے قبل فروری 2022 میں 6.2 شدت کے زلزلے سے مغربی سماٹرا میں 25 افراد ہلاک اور 460 زخمی ہوگئے تھے۔

جنوری 2021 میں صوبے مغربی Sulawesi میں 6.2 شدت کے زلزلے سے 100 سے زیادہ افراد ہلاک اور ساڑھے 6 ہزار کے قریب زخمی ہوئے تھے۔

انڈونیشیا میں 2004 میں آنیوالے  سونامی کے نتیجے میں ایک لاکھ 20 ہزار افراد ہلاک ہو گئے تھے۔