پنجاب کے میدانی علاقے شدید دھند کی لپیٹ میں آگئے 

لاہور : پنجاب کے میدانی علاقے شدید دھند کی لپیٹ میں آ گئے، جس کے باعث  موٹر وے ایم ٹو لاہور سے شیخو پورہ تک بند کر دی گئی۔

ترجمان موٹروے پولیس کے مطابق لاہور سیالکوٹ موٹروے کو مرید کے سے سمبڑیال دھند کی وجہ سے بند کر دیا گیا ہے ، موٹر وے پولیس نے احتیاطی تدابیر اختیار کرنے کی ہدایت بھی کی ہے۔

ترجمان موٹروے پولیس کے مطابق  روڈ یوزرز آگے اور پیچھے دھند والی لائٹس کا استعمال کریں ، غیر ضروری سفر سے گریز کریں ، تیز رفتاری سے پرہیز کریں اور اگلی گاڑی سے مناسب فاصلہ رکھیں۔

ترجمان کا کہنا ہے کہ روڈ یوزرز معلومات اور مدد کے لیے ہیلپ لائن 130 سے رابطہ کریں ، موٹروے پولیس کی ہمسفر ایپ سے بھی معلومات حاصل کی جاسکتی ہیں۔

دوسری جانب دنیا کے آلودہ ترین شہروں میں لاہور کا آج بھی پہلا نمبر جبکہ بھارتی شہر کولکتہ دوسرے نمبر پر موجود ہے۔

ایئرکوالٹی انڈیکس کے مطابق بنگلادیش کا دارالحکومت ڈھاکا آلودہ ترین شہروں میں چوتھے اور کراچی نویں نمبر پر موجود ہے ۔  کراچی کی فضا مضرصحت قرار،کراچی میں آلودہ ذرات کی مقدار 174پرٹیکیولیٹ میٹرز ریکارڈ کی گئی۔