اوور لوڈنگ کرنے پر ایک ماہ قید، 1000 سے 5000 جرمانہ ہو گا، آئی جی خالد محمود

 نیشنل ہائی ویز سیفٹی آرڈیننس 2000 کی دفعہ 43، شیڈیول 6 میں درج حد وزن کی خلاف ورزی کی صورت میں اوور لوڈ گاڑیوں کے خلاف کاروائی ہو گی۔ خلاف ورزی کی صورت میں نیشنل ہائی ویز سیفٹی آرڈیننس 2000 کی دفعہ 75 کے تحت ایک ماہ تک قید اور ایک ہزار سے پانچ ہزار روپے تک جرمانہ کیا جا سکتا ہے۔

آئی جی موٹرویز خالد محمود نے تمام ٹرانسپورٹرز اور مل مالکان کو متنبہ کیا کہ مال بردار گاڑیوں پر پر لوڈنگ کے وقت حد وزن سے تجاوز نہ کریں۔ جبکہ خلاف ورزی کرنے والوں کے خلاف فوری ایکشن لیا جائے گا۔ ترجمان موٹروے پولیس کا کہنا ہے کہ موٹروے پولیس عوام الناس کے سفر کو محفوظ بنانے کے لیے کوشاں ہیں۔ قومی شاہراہوں پر محفوظ سفر کو یقینی بنانے کے لیے موٹروے پولیس کے ساتھ تعاون کریں۔