روسی اپوزیشن لیڈر الیکسی کی گرفتاری کےخلاف احتجاج ، سینکڑوں افراد گرفتار

غیر ملکی خبر رساں ادارے کے مطابق  روسی اپوزیشن لیڈر الیکسی کےحامی منفی 42ڈگری سینٹی گریڈ میں بھی سڑکوں پر نکل آئے،احتجاجی ریلیاں نکالیں، الیکسی نوالنی کی اہلیہ نے بھی احتجاجی ریلی  میں شرکت کی۔

پولیس کا روسی اپوزیشن لیڈر کے حامیوں کیخلاف کریک ڈاؤن،سینکڑوں افراد کو گرفتار کرلیا گیا،مظاہرین الیکسی نوالنی کی رہائی اور صدرپیوٹن سےمستعفی ہونے کا مطالبہ کررہے ہیں۔مظاہرین کا کہنا ہے کہ  آزاد ملک میں رہنے کی خواہش گرفتاری کے خوف سے زیادہ مضبوط ہے۔

واضح رہے کہ روسی اپوزیشن لیڈر کو 17جنوری کو برلن سے واپس ماسکو پہنچنے پر ائیرپورٹ پر ہی گرفتار کرلیاگیاتھا۔