مبینہ بہن کی خبر کے بعد سجاد علی کا رد عمل بھی سامنے آگیا

مبینہ بہن کی خبر کے بعد سجاد علی کا رد عمل بھی سامنے آگیا 

کراچی : پاکستان کے معروف گلوکار سجاد علی نے اپنی مبینہ بہن کی خبر کے بعد شدید رد عمل دے دیا ہے ۔ 

تفصیلات کے مطابق سجاد علی نے اپنے سوشل میڈیا اکاؤنٹ فیس بک پر ان کی مبینہ بہن کی خبر کے بعد کہنا تھا کہ " میری ایک فیک بہن کی آج کل ایک نیوز آرہی ہے ، کچھ عرصہ پہلے میری ایک فیک شادی بھی کرو ادی گئی تھی ، اس کے بعد ایک صاحب نے لاہو رکے اندرون میں میرا گھر بنا دیا تھا۔ 

مگر سجاد کا کہنا تھا کہ سوشل میڈیا پر شئیر ہونے والے تصاویر میں  میرے بچپن کی تصویر شئیر کی گئی اور اس میں میرے ساتھ کھڑی لڑکی کو میری مبینہ بہن قرار دیا گیا حالنکہ وہ میری اہلیہ کی بچپن کی تصویر تھی ۔ انہوں نے ایسا کام کرنے والؤں کو آڑے ہاتھوں لیا اور کہا کہ ایسا کام صرف ویوز حاصل کرنے کے لیے کیا جاتا ہے ۔ 

اس خاتون کا میرے ساتھ نہ بہن کا کوئی رشتہ ہے نہ وہ میری کوئی کزن ہے بلکہ میرا تو اس سے دور تک کا کوئی رشتہ نہیں ہے ۔  انہوں نے کہا کہ میں ان لوگؤں کے خلاف قانونی کارروائی کرسکتا ہوں مگر وہ بچاری خاتون جس کو جو کچھ کہا جارہا ہے وہ کہہ رہی ہیں اس میں ان کی عزت جا سکتی ہے ۔  انہوں نے مزید کیا کہا ویڈیو دیکھیں 

واضح رہے کہ  گزشتہ دنوں سے بھیک مانگنے والی خاتون نے پاکستان کے معروف گلوکار سجاد علی کی بہن ہونے کا دعویٰ کرنے کی خبریں منظر عام پر آئی تھیں  ۔  بشریٰ اختر نامی ایک بھیک مانگنے والی خاتون نے دعویٰ کیا تھا کہ وہ کلاسیکل موسیقار بڑے غلام علی خان صاحب کی پوتی اور معروف گلوکار سجاد علی کی بہن ہیں، لیکن مالی تنگ دستی کے باعث بھیک مانگ کر گھر کا گزر بسر کرنے پر مجبور ہیں۔  سوشل میڈیا پر وائرل یوٹیوب ویڈیو میں بشریٰ اختر نامی خاتون نے دعویٰ کیا ہے کہ“ وہ سجاد علی کی بہن ہیں اور چاہتی ہے کہ گلوکار ان سے رابطہ کریں“۔

وائرل ویڈیو میں بشریٰ اختر کا کہنا تھا کہ ”بڑے غلام علی خان صاحب اور ان کے بھائی میاں قادر بخش ان کے دادا اور طبلہ نواز اختر حسین صاحب ان کے والد ہیں جبکہ سجاد علی ان کے بھائی ہیں“۔

بشریٰ کا مزید  کہنا تھا کہ ”میاں قادر بخش کے خاندان سے تعلق ہونے کی وجہ سے انہیں موسیقی کی دنیا میں قدم رکھنے نہیں دیا گیا کیونکہ انکے گھر کی خواتین گانا بجانا نہیں کرتیں، ان کی خواہش ہے کہ وہ گاناگائیں تاکہ پیسے کماکر اپنا گزر بسر کرسکیں، خاتون نے چند لوگوں جیسے طافو کا نام لے کر بتایا کہ وہ میرے دادا کے شاگرد تھے۔ فی الحال وہ اپنے گزر بسر کے لئے درگاہوں پر نعتیں اور نوحے پڑھ کر، بھیک مانگ کر اور لوگوں کے گھروں میں کام کرکے پیسے کماتی ہیں لیکن ان کا گزر بسر پورا نہیں ہوتا ان کے 2 بچوں کے علاوہ اپنے شوہر کی بیماری پر آنے والے اخراجات بھی انہیں ہی برداشت کرنے ہوتے ہیں“۔

بشریٰ اختر نےمزید کہا کہ“ وہ اپنے بھائی سجاد علی کی صحت اور خوشیوں کے لیے ہر وقت دعا کرتی ہیں کیونکہ ہمارا ایک ہی خاندان ہے“۔  ان کا کہنا ہے کہ ”شاید سجاد علی ہم سے ملنا چاہتے ہوں لیکن وہ ہمارے گھر کے بارے میں نہیں جانتے ہوں، میں جانتی ہوں کہ وہ بہت مہربان انسان ہیں“۔