GNN on Google Play Store GNN on Apple App Store
جی این این سوشل

علاقائی

تعلیم پر جی ڈی پی کا 5 فیصد خرچ کیا جائے:طلباء تنظیم مصطفوی سٹوڈنٹ موومنٹ

مصطفوی سٹوڈنٹس موومنٹ کے زیراہتمام”ایجوکیشن بجٹ سیمینار“ میں مطالبہ کیا گیا کہ تعلیم پر جی ڈی پی کا 5فی صدر خرچ کیا جائے۔
10 ماہ پہلے

پر شائع ہوا

کی طرف سے

تعلیم پر جی ڈی پی کا 5 فیصد خرچ کیا جائے:طلباء تنظیم مصطفوی سٹوڈنٹ موومنٹ
جی این این میڈیا: نمائندہ تصویر

ایجوکیشن بجٹ سیمینار سے سابق صوبائی وزیر تعلیم میاں عمران مسعود نے کہا کہ تعلیم کے بغیر پاکستان ترقی نہیں کر سکتا، مجھے خوشی ہے کہ شیخ الاسلام ڈاکٹر محمد طاہرالقادری کی تحریک منہاج القرآن کا سب سے زیادہ فوکس فروغ تعلیم و تربیت پر ہے۔

انہوں نے تعلیم کی اہمیت کو بجٹ کے تناظر میں اجاگر کرنے پر مصطفوی سٹوڈنٹس موومنٹ کے صدر اور سیمینار میں شریک دیگر طلبہ رہنماؤں کو مبارکباد دی۔ 

سیمینار سے خطاب کرتے ہوئے ناظم اعلیٰ خرم نواز گنڈاپور نے کہا ہے کہ پالیسیوں کے عدم تسلسل اور سیاسی عدم استحکام کی وجہ سے ہمارا سفر کوہلو کے بیل جیسا ہے۔ پچھلی ایک دہائی سے شرح خواندگی میں کوئی اضافہ نہیں ہوا۔ نعرے بہت لگے مگر عملاً تعلیم کے شعبے میں جس توجہ کی ضرورت تھی وہ نہیں دی گئی، اگر آج نوجوانوں میں انتہائی رویے پنپ رہے ہیں تو اس کی وجہ ہمارا ناقص نظام تعلیم اور فرسودہ نصاب تعلیم ہے، حکومتوں کے پاس فینسی منصوبوں کیلئے اربوں، کھربوں کے بجٹ تو ہوتے ہیں مگر تعلیم و تحقیقی کیلئے ان کے پاس پیسے نہیں ہوتے۔ اگر ہم پاکستان کو حقیقی معنوں میں ترقی و خوشحالی کی راہ پر گامزن کرنا چاہتے ہیں تو تعلیمی بجٹ میں اضافہ کرنا ہو گا۔

سیمینار سے خطاب کرتے ہوئے مرکزی صدر مصطفوی سٹوڈنٹس موومنٹ شیخ فرحان عزیز نے کہا کہ قوم کو متحد کرنے کیلئے یکساں نظام تعلیم نافذ کرنا ہو گا۔ 5 سے 16سال کی عمر کے کروڑوں بچوں کو سکولوں میں لانے کیلئے تمام وسائل بروئے کار لانا ہوں گے۔ تعلیمی اداروں کو منشیات سے پاک کرنا ہو گا اور نظام تعلیم کو تربیت کے ساتھ ہم آہنگ کرنا ہو گا۔

انہوں نے کہا کہ مصطفوی سٹوڈنٹس موومنٹ ہر سال حکومتی معاشی ماہرین سے کہتی ہے کہ جی ڈی پی کا زیادہ سے زیادہ حصہ تعلیم پر خرچ کیا جائے بدقسمتی سے پاکستان خطہ کا واحد ملک ہے جو تعلیم پر سب سے کم خرچ کرتا ہے۔ شیخ فرحان عزیز نے رہنماؤں اور طلبہ تنظیموں کے نمائندوں کی شرکت پر ان کا شکریہ ادا کیا۔ سینئر صحافی رب نواز باجوہ نے کہا کہ مصطفوی سٹوڈنٹس موومنٹ واحد جماعت ہے جو تعلیمی بجٹ پر بات کرتی ہے۔ 

سیمینار میں انجمن طلبہ اسلام کے رہنما جواد لودھی، امامیہ سٹوڈنٹس آرگنائزیشن کے رہنما مرتضیٰ باقر، میاں عنصر محمود، علی قریشی، محسن اقبال، اسامہ مشتاق سمیت دیگر طلبہ رہنماؤں نے شرکت کی۔

پڑھنا جاری رکھیں

کھیل

محسن نقوی نے ویمنز ٹیم کی نئی سلیکشن کمیٹی کا اعلان کر دیا

پی سی بی چیئرمین نے تشکیل نو کرتے ہوئے اراکین کی تعداد بڑھادی
2 گھنٹے پہلے

پر شائع ہوا

ویب ڈیسک

کی طرف سے

محسن نقوی نے ویمنز ٹیم کی نئی سلیکشن کمیٹی کا اعلان کر دیا

پاکستان کرکٹ بورڈ (پی سی بی) کے چیئرمین محسن نقوی نے ویمنز ٹیم کی نئی سلیکشن کمیٹی کا اعلان کر دیا۔

پاکستان کرکٹ بورڈ (پی سی بی ) کے چیئرمین محسن نقوی نے قومی خواتین کی سلیکشن کمیٹی کی تشکیل نو کرتے ہوئے اسے 7 ارکان تک بڑھا دیا ہے۔ یہ فیصلہ ویسٹ انڈیز ویمنز کے خلاف پاکستان ویمن ٹیم کی مایوس کن کارکردگی کے بعد کیا گیا ہے جس کے نتیجے میں تین ون ڈے میچوں کی سیریز میں 0-3 سے شکست ہوئی ہے۔
پی سی بی کے چیئرمین محسن نقوی نے کہا کہ سلیکشن کمیٹی کو ری اسٹرکچر کیا ہے، قومی کرکٹ ٹیم کی سلیکشن کمیٹی 7 ارکان پر مشتمل ہوگی، نئی چیز یہ ہے کہ اب سلیکشن کمیٹی کا کوئی چیئرمین نہیں ہوگا۔
پاکستان کرکٹ بورڈ (پی سی بی) کے جاری اعلامیے کے مطابق اسماویہ اقبال اور مرینہ اقبال کے علاوہ مینز سلیکشن کمیٹی کے اراکان سابق کرکٹر عبدالرزاق، اسد شفیق اور بتول فاطمہ سلیکشن کمیٹی کا حصہ ہوں گی، اسی طرح ہیڈکوچ اور کپتان بھی اسی کمیٹی کے رکن ہوں گے۔
محسن نقوی  نے بتایا کہ وہاب ریاض،محمد یوسف،عبدالرزاق اور اسد شفیق کو سلیکشن کمیٹی میں شامل کیا گیا ہے، کپتان اور ہیڈ کوچ بھی سلیکشن کمیٹی کا حصہ ہوں گے، ڈیٹا اینالسٹ کو بھی سلیکشن کمیٹی کا حصہ بنایا گیا ہے، محمد یوسف انڈر 19 کے بھی ہیڈ کوچ رہیں گے۔
نئی سلیکشن کمیٹی کا فوری کام انگلینڈ کے آئندہ دورے کے لیے پاکستان ویمنز ٹیم کا انتخاب کرنا ہوگا، جہاں وہ 11 سے 29 مئی تک تین ٹی 20 اور آئی سی سی ویمنز چیمپئن شپ 2022-25 کے تین میچز کھیلے گی۔
ویسٹ انڈیز سے حالیہ0-3 کی شکست کے باوجود، پاکستان اس وقت 10 ٹیموں پر مشتمل آئی سی سی ویمن چیمپئن شپ 2022-25 میں پانچویں پوزیشن پر ہے۔ اس چیمپئن شپ کی ٹاپ پانچ ٹیمیں، میزبان بھارت کے ساتھ، آئی سی سی ویمنز کرکٹ ورلڈ کپ 2025 کے لیے براہ راست کوالیفائی کریں گی۔ باقی ٹیمیں خواتین کے کرکٹ ورلڈ کپ کوالیفائر ٹورنامنٹ میں شرکت کریں گی۔

پڑھنا جاری رکھیں

کھیل

8 بار اولمپک گولڈ میڈلسٹ یوسین بولٹ ٹی20 ورلڈکپ کے سفیر نامزد

ہ یوسین بولٹ کا بطور سفیر میگا ایونٹ کے فروغ کیلئے اہم کردار ادا کرے گا، آئی سی سی
3 گھنٹے پہلے

پر شائع ہوا

ویب ڈیسک

کی طرف سے

8 بار اولمپک گولڈ میڈلسٹ یوسین بولٹ ٹی20 ورلڈکپ کے سفیر نامزد

انٹرنیشنل کرکٹ کونسل (آئی سی سی) نے اولمپک لیجنڈ یوسین بولٹ کو مینز ٹی20 ورلڈکپ کیلئے سفیر بنانے کا اعلان کردیا۔

آئی سی سی کی جانب سے جاری کردہ پریس ریلیز میں کہا گیا ہے کہ یوسین بولٹ کا بطور سفیر میگا ایونٹ کے فروغ کیلئے اہم کردار ادا کرے گا۔

8 بار کے اولمپک گولڈ میڈلسٹ ویسٹ انڈیز میں ہونے والے ورلڈکپ کے میچوں میں بھی شرکت کریں گے۔

اس موقع پر یوسین بولٹ کہا کہ “میں آئندہ آئی سی سی مینز ٹی20 ورلڈکپ کا سفیر بننے پر خوش ہوں، ویسٹ انڈیز (کیریبین) جہاں کرکٹ زندگی کا حصہ ہے، اس کھیل نے ہمیشہ ایک خاص مقام رکھا ہے، عالمی سطح پر کرکٹ کی ترقی میں اپنا حصہ ڈالنے کا منتظر ہوں۔

واضح رہے کہ میگا ایونٹ کا آغاز یکم سے ہوگا جو 29 جون 2024 تک ویسٹ انڈیز اور امریکا میں منعقد ہوگا۔

پڑھنا جاری رکھیں

پاکستان

مریم نواز کے خلاف پنجاب پولیس کی وردی پہننے پر مقدمہ درج کرنے کی درخواست دائر

قانون کے مطابق کوئی بھی شخص ریاستی اداروں کی وردی نہیں پہن سکتا،درخواست
37 منٹ پہلے

پر شائع ہوا

ویب ڈیسک

کی طرف سے

مریم نواز کے خلاف پنجاب پولیس کی وردی پہننے پر مقدمہ درج کرنے کی درخواست دائر

لاہور کی سیشن عدالت میں وزیراعلیٰ پنجاب مریم نواز کے خلاف پنجاب پولیس کی وردی پہننے پر مقدمہ درج کرنے کی درخواست دائر کر دی گئی۔

آفتاب باجوہ ایڈووکیٹ کے توسط سے دائر درخواست میں کہا گیا کہ مریم نواز نے پولیس کی سرکاری وردی پہنی، تاہم قانون کے مطابق کوئی بھی شخص ریاستی اداروں کی وردی نہیں پہن سکتا۔

درخواست گزار کا مزید کہنا تھا کہ مریم نواز کے خلاف پولیس کو درخواست دی گئی لیکن کوئی کارروائی نہیں ہوئی۔ لہٰذا عدالت مریم کے خلاف پولیس کی وردی پہننے پر مقدمہ درج کرنے کا حکم دے۔

واضح رہے کہ چنگ پولیس ٹریننگ کالج میں پاسنگ آؤٹ پریڈ کا انعقاد کیا گیا جس میں وزیراعلیٰ پنجاب مریم نواز نے بطور مہمان خصوصی شرکت کی۔ انہوں نے پولیس وردی میں ملبوس پریڈ کا معائنہ کیا۔

پڑھنا جاری رکھیں

ٹرینڈنگ

Take a poll