چمن : قلعہ عبداللہ میں پولیس موبائل پر حملہ ،ایک پولیس اہلکار شہید،کئی زخمی

تفصیلات کے مطابق پولیس ذرائع کا کہنا ہے کہ  دھماکے میں پولیس موبائل کو نشانہ بنایا گیا، دھماکا پولیس موبائل وین کے قریب کھڑی موٹر سائیکل میں  نصب کیا گی تھا ۔بم دھماکے میں پولیس کی گاڑی مکمل طور پر تباہ ہوگئی جبکہ دھماکہ اتنا زوردار تھا اس پاس گاڑیوں شیشوں اور عمارتوں کو نقصان پہنچا ،۔ واقعے کی اطلاع ملتے ہی پولیس اور لیویز کی بڑی تعداد جائے وقوعہ پر پہنچ گئی ۔

اسسٹنٹ کمشنر دین محمد  کا کہنا ہے کہ بم دھماکے سے ایک شہید جبکہ دو زخمی ہوگئے ، دھماکے میں شہید ایک پولیس اہلکار بھی تھا ۔   ہدف گشت پر موجود پولیس کی گاڑی تھی ۔ پولیس کے مطابق زخمیوں کو قریبی اسپتال منتقل کردیا گیا ہے  جبکہ لیویز اور پولیس نے علاقے کو گھیرے میں لے لیا ۔واقعے کی تحقیقات کی جارہی  ہیں۔