شاہ رخ خان کے والد کے بارے میں غلط بیانی کرنا کنگنا رناوت کو مہنگا پڑ گیا

تفصیلات کے مطابق کنگنا نے اپنا موازنہ شاہ رخ خان سے کیا اور خود کو کنگ خان کی طرح کامیاب بتاتے ہوئے کہا شاہ رخ خان جی اور میری اب تک کی سب سے بڑی کامیابی کی کہانیاں ہیں۔ شاہ رخ خان کا تعلق دہلی سے تھا، وہ کانونٹ سے تعلیم یافتہ تھے اور ان کے والدین کا تعلق فلم سے تھا۔

انہوں نے مزید کہا کہ جب میں اس فیلڈ میں آئی تو مجھے انگریزی کا ایک لفظ بھی نہیں آتا تھا، میرے پاس کوئی تعلیم نہیں تھی اور میں ہماچل پردیش کے ایک دور دراز گاءوں سے آئی تھی۔کنگنا رناوت نے اپنی ٹوئٹ میں شاہ رخ خان کے والد کا تعلق فلم انڈسٹری سے بتایا اور ان کی یہی غلطی سوشل میڈیا صارفین نے پکڑ لی اور  کنگنا پر خوب تنقید کرتے ہوئے سوشل میڈیا صارفین نے کہا شاہ رخ خان کے والدین کا تعلق فلم سے تھا یہ کب ہوا؟

15 years ago Gangster released today, Shahrukh Khan ji and mine are the biggest success stories ever but SRK was from Delhi, convent educated and his parents were involved in films, I did not know a single word of English, no education, came from a remote village of HP and 1/2 pic.twitter.com/CEw72pvtds

— Kangana Ranaut (@KanganaTeam) April 28, 2021

کچھ صارفین نے تو کنگنا کو اپنا موازنہ شاہ رخ خان کے ساتھ کرنے پر کہا کہ تم اس کی مستحق نہیں کہ تمہارا نام شاہ رخ خان کے ساتھ آئے۔ ایک صارف نے تو نہایت غصے بھرے لہجے میں کہا کچھ بھی شاہ رخ خان آج آسمان کی اونچائیوں پر اور تمہاری کامیابی کی کہانی زمین سے چھت کے پنکھے تک جاتی ہے۔ تم نے تعلیم اس لیے حاصل نہیں کی کیونکہ تم ہر قیمت پر مشہورہونا چاہتی تھیں۔

واضح  رہے کہ شاہ رخ خان کے والد میر تاج محمد خان کا تعلق پشاور سے تھا اور تقسیم ہند کے بعد وہ دہلی منتقل گئےتھے۔بھارتی ویب سائٹ کے مطابق شاہ رخ خان کے والد میر تاج محمد خان کا پیشہ وکالت تھا۔