یو این ماہرین نے مقبوضہ کشمیر کے حوالے سے خطرے کی گھنٹی بجا دی

غیر ملکی خبر رساں ادارے کے مطابق  اقوامِ متحدہ (یو این ) کے ماہرین نے مقبوضہ کشمیر میں ڈیمو گرافی تبدیل کرنے کے حوالے سے خطرے کی گھنٹی بجا دی۔ہندوستان مقبوضہ کشمیر کی ڈیمو گرافی تبدیل کرنے میں مصروف ہے۔

ستمبر 2020 تک ہندوستان نے ایک لاکھ چوالیس ہزار سے زیادہ ہندؤں کو کشمیر کا ڈومیسائل دیا گیا ہے، ہندوستان نے مقامی 3 لاکھ 77 ہزار 683 مسلمان کشمیریوں کو ڈومیسائل دینے سے انکار کر دیا ہے۔

ماہرین کے مطابق  یہ تبدیلیاں کشمیریوں کو اُن کے مذہبی، ثقافتی اور سیاسی حقوق سے دُور لے جائیں گی، ان تبدیلیوں کے نتیجے میں مقامی کشمیریوں کے گروپس کی سیاسی نمائندگی میں بھی کمی آئے گی،کشمیر وہ واحد ریاست ہے جس میں مسلمانوں کی تعداد بہت زیاد ہ ہے، کشمیر کا ایک خاص اسٹیٹس بھی خطرے میں ہے۔ یوکے پارلیمنٹ اس حوالے سے پہلے بھی آواز اُٹھا چکی ہے۔