انگلش پریمیئر لیگ میں 30 ستمبر کو مزید 8میچز کھیلے جائیں گے

لندن: انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔ ای پی ایل میں 30 ستمبر کو مزید 8 میچوں کا فیصلہ ہوگا۔ پہلا میچ آسٹن ولا اور برائٹن اینڈ ہوو البیون کی ٹیموں کے درمیان ولا پارک، برمنگھم میں کھیلا جائے گا،دوسرے میچ میں آرسنل اور بورن ماؤتھ کی ٹیمیں وائٹیلٹی سٹیڈیم، بورن مائوتھ میں آمنے سامنے ہوں گی،

تیسرا میچ لوٹن ٹاؤن اور ایورٹن کے درمیان گوڈیسن پارک، لیورپول میں کھیلا جائے گا۔ چوتھا میچ مانچسٹر یونائیٹڈ اور کرسٹل پیلس کی ٹیموں کے درمیان اولڈ ٹریفورڈ، مانچسٹر میں کھیلا جائے گا،پانچویں میچ میں نیو کیسل یونائیٹڈ اور برنلے کی ٹیمیں سینٹ جیمز پارک، نیو کیسل کے مقام پر پنجہ آزمائی کریں گی ۔

چھٹا میچ ویسٹ ہیم یونائیٹد اور شیفیلڈ یونائیٹڈکی ٹیموں کے درمیان لندن سٹیڈیم ، لندن میں کھیلا جائے گااور ساتویں میچ میں دفاعی چیمپئن مانچسٹر سٹی اور وولور ہیمپٹن کی ٹیمیں مولینکس سٹیڈیم، وولور ہیمپٹن کے مقام پر آمنے سامنے ہوں گی جبکہ 30 ستمبر کا آٹھواں اور آخری میچ ٹوٹنہم ہاٹ اور لیور پول کی ٹیموں کے درمیان ٹوٹنہم ہاٹ پور سٹیڈیم، لندن میں کھیلا جائے گا۔

یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15 جون 2023 کو کیا گیا تھا۔ مانچسٹر سٹی کی ٹیم ای پی ایل میں اپنے اعزاز کا دفاع کے لئے کوشاں ہے۔دفاعی چیمپئن مانچسٹر سٹی کی ٹیم ای پی ایل پوائنٹس ٹیبل پر تاحال 18پوائنٹس کے ساتھ سر فہرست ہے۔