پاکستان اورخلیج تعاون کونسل نےآزادتجارتی معاہدہ کوحتمی شکل دے دی

پاکستان اور خلیج تعاون کونسل نے آزاد تجارتی معاہدے کو حتمی شکل دے دی ہے۔

تجارت و صنعت کے وزیر ڈاکٹر گوہر اعجاز اور خلیج تعاون کونسل کے سیکرٹری جنرل جاسم محمد AL-BUDAIWI نے ریاض میں مذاکرات کے حتمی دور کے اختتام پر اس سلسلے میں مشترکہ بیان پر دستخط کئے۔

مشترکہ بیان میں کہا گیا ہے کہ فریقین اِس معاہدے پر جلد از جلد دستخطوں، توثیق اور عمل درآمد کے خواہاں ہیں۔

یہ ایک اہم پیشرفت ہے کیونکہ یہ سال 2009 کے بعد خلیج تعاون کونسل کا کسی بھی ملک کے ساتھ پہلا آزاد تجارتی معاہدہ ہے جو فریقین کے اقتصادی اشتراک میں ایک اہم سنگ میل ہے۔