چیئرمین پی ٹی آئی کے وکیل شیر افضل مروت کے خلاف لڑائی کا مقدمہ درج

چیئرمین پی ٹی آئی کے وکیل شیر افضل مروت کے خلاف شہری سے لڑائی کا مقدمہ درج کرلیا گیا ہے۔

شیرافضل مروت کے خلاف تھانہ سیکریٹریٹ میں مقدمہ درج کی گیا ہے، جس میں تشدد اورجان سے مارنے کی دھمکیوں کی دفعات شامل کی گئی ہیں۔ مقدمے میں شہر افضل مروت کے دو ساتھیوں کو بھی نامزد کیا ہے۔متن کے مطابق سپریم کورٹ کے قریب شیرافضل نے گاڑی چڑھانے کی کوشش کی، جب سپریم کورٹ پہنچا توشیرافضل اور ساتھیوں نے تشدد کا نشانہ بنایا تھا، ملزمان کے خلاف سخت قانونی کارروائی کی جائے۔

شیر افضل مروت کا اپنے ٹویٹ میں کہنا ہے کہ یہ سب  انسپکٹر جنرل پولیس اسلام آباد کی طرف سے میرے خلاف سازش کی جا رہی ہے، کل میرا پیچھا کرنے والا پولیس اہلکار آئی جی اسلام آباد کے لیے کام کر رہا تھا اور یہ سارا ڈرامہ منصوبہ بند تھا۔ پیچھا کرنے والے کی سپریم کورٹ تک میری پیروی کرنے کی جرات مندانہ کوشش، دوسرے پولیس اہلکاروں کی صحبت میں اس کی طرف سے دھمکیاں اور بدسلوکی اور 35 سیکنڈ کے جھگڑے کو ریکارڈ کرنے کے لیے ویڈیو بنانے والے کی پیشگی موجودگی بتاتی ہے کہ یہ ایک جال تھا۔

انسپکٹر جنرل پولیس اسلام آباد کی طرف سے میرے خلاف تازہ ایف آئی آر: کل میرا پیچھا کرنے والا پولیس اہلکار آئی جی اسلام آباد کے لیے کام کر رہا تھا اور یہ سارا ڈرامہ منصوبہ بند تھا۔ پیچھا کرنے والے کی سپریم کورٹ تک میری پیروی کرنے کی جرات مندانہ کوشش، دوسرے پولیس اہلکاروں کی صحبت میں… pic.twitter.com/Zxd8CCiDQE

— Sher Afzal Khan Marwat (@sherafzalmarwat) October 20, 2023

انہوں نے مزید کہا کہ پولیس کی جانب سے ہاتھا پائی اور اسے قاتلانہ حملہ قرار دینے کے بعد اس بات کی مزید تصدیق ہو گئی ہے کہ میرے خلاف ڈراموں کی سیریز کے ماسٹر مائنڈ آئی جی اسلام آباد ہیں۔ میں نے پی ٹی آئی کی قیادت کے مقدمات میں آئی جی اسلام آباد پر ڈکیتیوں، اغوا، گھروں میں گھسنے کے الزامات لگائے ہیں اور ان کے خلاف مقدمات لڑ رہا ہوں۔ چونکہ یہ واقعہ ایک منصوبہ بند قاتلانہ حملہ تھا، اس لیے میں آئی جی اسلام آباد اور ان کے ساتھیوں کے خلاف فوجداری شکایت درج کر رہا ہوں۔ میں نے اسلام آباد کی سیشن کورٹ سے ضمانت حاصل کر لی ہے۔