کابینہ کی ذیلی کمیٹی کی شہباز شریف کا نام ای سی ایل پر ڈالنے کی سفارش

تفصیلات کے مطابق ای سی ایل سے متعلق  کابینہ کی ذیلی کمیٹی کا اجلاس ہوا۔ ذیلی کمیٹی اجلاس میں وزیر داخلہ شیخ رشید ، وزیر قانون فروغ نسیم اور شہزاد اکبر شریک ہوئے ۔

ذرائع کے مطابق کابینہ کی ذیلی کمیٹی نے شہباز شریف کا نام ای سی ایل پر ڈالنے کی سفارش کردی ہے، جبکہ شہبازشریف کا نام ای سی ایل پرڈالنے کی حمتی منظوری کابینہ دے گی۔

وفاقی وزیر شیخ رشید نے پریس کانفرنس میں کہا کہ   نیب کی درخواست پر آج کمیٹی کا اجلاس ہوا، شریف فیملی کے 5لوگ پہلے ہی مفرور ہیں،  جب باقی ملزم ای سی ایل پر ہوں تو کسی ایک ملزم سے خصوصی سلوک نہیں ہوسکتا۔انہوں نے کہا کہ  عدالت کا فیصلہ بلیک لسٹ پر تھا، شہباز شریف کا نام ای سی ایل پر نہیں تھا اس وجہ سے انہیں باہر نہیں جانے دیا،  شہباز شریف کا نام ای سی ایل میں ڈالنے کیلئے کابینہ حتمی فیصلہ کرے گی۔

شیخ رشید  نے مزید کہا کہ  ذیلی کمیٹی نے شہباز شریف کا نام ای سی ایل میں ڈالنے کی سفارش کی ہے، کابینہ آج شام یا کل تک شہباز شریف کا نام ای سی ایل میں ڈالنے کی منظوری دے سکتی ہے، ذیلی کمیٹی نے نیب کی درخواست مانتے ہوئے کابینہ کو سفارش کی ہے۔

واضح رہے کہ نیب نے گزشتہ روز وزارت داخلہ کو شہباز شریف کا نام ای سی ایل میں شامل کرنے کیلئے خط لکھا تھا۔