کوٹ ادو :تیزرفتار کار درخت سے ٹکراگئی ،2 افراد جاں بحق

جی این این کے مطابق   کوٹ ادو روڈ پر  پٹھان ہوٹل  کے قریب ٹی پی لنک کنال روڈ پر گزشتہ رات 3بجے  تیز رفتار کار بے قابو ہو کر درخت سے ٹکرا گئی ۔ کار میں سوار دو افراد موقع پر ہی  جان کی بازی ہار گئے جبکہ ایک شخص شدید زخمی  ہوگیا ۔ حادثے کی اطلاع ملتے ہی ریسکیو 1122 مظفرگڑھ کی دو ایمبولینسزاور فائر وہیکل  جائے حادثہ پرپہنچ گئیں ۔

امدادی ٹیموں نے جاں بحق ہونے والے دونوں افراد کی نعشوں کو گاڑی کی باڈی کاٹ کر نکالا  اور  لاشوں اور زخمیوں کوہسپتال منتقل کردیا ۔  کار میں  سوارافراد  چشتیاں سے تونسہ شریف جا رہے تھے۔

  ریسکیو کے مطابق حادثہ کار ڈرائیور کی تیز رفتاری کے باعث پیش آیا۔