نواز شریف کی ڈیل کے تحت واپسی کے الزامات ایک سازش ہے، خواجہ سعد رفیق

مسلم لیگ ن کے رہنما سعد رفیق کا کہناہے کہ نواز شریف کی ڈیل کے تحت واپسی کے الزامات ایک سازش ہے۔الیکشن ڈیل کی خبریں بے بنیاد ہے،نواز شریف پو ڈیل کا الزام کوئی نئی بات نہیں ہے۔ نواز شریف نے واپس آنا ہی تھا، 

لاہور میں پارٹی سیکرٹریٹ کے باہر میڈیا سے بات کرتے ہوئے رہنما مسلم لیگ ن خواجہ سعد رفیق کا کہنا تھا کہ انتخابات کی تیاریاں شروع کردی ہیں، حلقہ بندیاں آئینی تقاضہ ہے۔الیکشن میں سب کو حصہ لینے کا حق ہونا چاہیے، بیلٹ پیپر پر تمام جماعتوں کے نشان ہونے چاہئیں۔

انہوں نے کہا کہ جو جیل میں ہے عدالت کو اسکے ساتھ انصاف کا معاملہ کرنا چاہیے، ہمیں کسی کو پکڑنے یا پکڑوانے کا شوق نہیں، ہم کسی کو جیل بھیجنے والے نہیں، ٹویٹر،فیس بک، سوشل میڈیا کا میدان اور ہے گلی کا میدان اور ہے، کسی کے بھی ہاتھ پاؤں بندھے نہیں ہونے چاہئیں، ہم اس کے حامی نہیں، ہم سمجھتے ہیں سب کو الیکشن میں آنا چاہیے۔

سعد رفیق کا کہنا تھا کہ الیکشن ڈیل کی خبریں بے بنیاد ہے، کیا نوازشریف نے ساری زندگی جلاوطنی کاٹنی ہے؟، وہ بیماری کی وجہ سے گئے تھے، انہوں واپس آنا ہی تھا، ہم سب نے قید کاٹی ہے، اس میں کوئی ایسی بات نہیں، ہم کسی کو جیل بھیجنے والے نہیں۔

رہنما ن لیگ نے کہا کہ الیکشن میں سب کو حصہ لینے کا حق ہونا چاہیے، اور بیلٹ پر تمام جماعتوں کے نشان ہونے چاہیے، الیکشن سب نے ہی لڑنا ہے، سیاسی قائدین سے ملاقاتوں کا سلسلہ شروع ہوچکا ہے، آج صوبہ سندھ اور بلوچستان کے سیاسی معاملات زیرغور آئے۔