پاکستان سعودی عرب سے تعلقات بڑھانا چاہتا ہے ،سہراب ملک

سمندر پار پاکستانیوں اور انسانی وسائل کی ترقی کے بارے میں وزیراعظم کے معاون خصوصی جواد سہراب ملک نے سعودی عرب کی توانائی اور تعمیرات کی معر وف کمپنی الفنار کے سربراہ سے ملاقات کی تاکہ پاکستانی کارکنوں کیلئے روزگار میں اضافے کے مواقع تلاش کیے جاسکیں۔

اس موقع پر اظہار خیال کرتے ہوئے معاون خصوصی نے سعودی عرب کے ساتھ اقتصادی تعلقات مستحکم کرنے کے پاکستانی حکومت کے عزم کا اعادہ کیا۔

سعودی کمپنی کے چیف ایگزیکٹو نے سعودی معیشت میں پاکستانی افرادی قوت کے قابل قدر اور نمایاں کردار کو سراہا۔سعودی کمپنی  الفنار کے کارکنوں اور عملے کی مجموعی تعداد میں بیس فیصد پاکستانی شامل ہیں اور کمپنی اپنے آئندہ منصوبوں میں مزید پاکستانی کارکنوں اور ماہرین کی خدمات سے استفادہ کرنے میں دلچسپی رکھتی ہے۔