یکم دسمبر سے 23 دسمبر تک 23 ویں گھنٹے رات 11 بجے نور جہاں کا ایک گانا نشر کیا جائے گا

ملکہ ترنم کے نام سے پہچانی جانے والی میڈم نور جہاں 21 ستمبر 1926کو قصور کے موسیقار گھرانے میں پیدا ہوئیں اوراپنے فلمی کیرئیر کا آغاز نو سال کی عمر سے کیا اور جلد ہی ایک جانی پہچانی چائلڈ اسٹار بن گئیں۔

نگران وفاقی وزیر اطلاعات، نشریات و پارلیمانی امور مرتضیٰ سولنگی نے کہا ہے کہ پاکستان ٹیلی ویژن ملکہ ترنم نور جہاں کی 23 ویں برسی پر انہیں زبردست خراج عقیدت پیش کرتے ہوئے یکم دسمبر بروز جمعہ سے 23 دسمبر 2023 تک روزانہ 23 ویں گھنٹے رات 11 بجے ملکہ ترنم نور جہاں کا ایک گانا نشر کرے گا۔

سماجی رابطے کے پلیٹ فارم “ایکس” پر منگل کو اپنے ٹویٹ میں نگران وفاقی وزیر اطلاعات نے کہا کہ ملکہ ترنم نور جہاں کو ہم سے بچھڑے 23 برس بیت گئے ہیں، ان کی 23 ویں برسی پر انہیں زبردست خراج عقیدت پیش کیا جائے گا۔ انہوں نے کہا کہ پی ٹی وی ملکہ ترنم نور جہاں کی 23 ویں برسی پر یکم دسمبر بروز جمعہ سے 23 دسمبر تک ان کا ایک گانا روزانہ رات کو 23 ویں گھنٹے رات 11 بجے نشر کرے گا۔