وقار ذکاء کرپٹو کرنسی ماہر مقرر

تفصیلات کے مطا بق معروف میزبان، سماجی کارکن اور کرپٹوکرنسی ایکسپرٹ وقار ذکاء  نےسماجی رابطے کی ویب سائٹ ٹوئٹر پر اپنے مداحوں کے ساتھ یہ خوشخبری شئیر کی ، ان کا کہنا تھا کہ  حکومت پاکستان نے  کرپٹو کرنسی ایکسپرٹ  کی حیثیت سے میری  خدمات  مانگی ہیں  اورانہوں نے فیصلہ کیا ہے کہ وہ  ملک کی خدمت  کیلئے  ایک پیسہ  بھی وصول نہیں کریں گے اور اپنی تمام خدمات مفت  فراہم کریں گے ۔

 ایک اور ٹویٹ میں  وقار ذکا ء  نے وضاحت  دیتے ہوئے کہا کہ   یہ کرپٹو  کمیٹی صرف خیبرپختونخوا ہی میں  ہی نہیں بلکہ  سارے پاکستان  کیلئے کرپٹو پالیسی  تشکیل  دینے  کے لیے کام کر رہی ہے ۔ 

The reason of announcing as many were posting that I am charging GOVT, travel / hotel is on GOVT expense. Now few will say "Yeh Tu KP GOVT hai, GOVT of PAK nahie" Crypto committe is working to provide crypto policy for entire Pakistan not just for one Province https://t.co/EC03RhUbPA

— Waqar Zaka (@ZakaWaqar) May 17, 2021

گزشتہ دنوں وقار ذکاء نے وزیر اعظم عمران خان کو پاکستان کا سارا قرضہ اتارنے کا چیلنج دیتے ہوئے  کہا تھا کہ وہ کرپٹو کا استعمال کرتے ہوئے پاکستان کا قرض ادا کرسکتے ہیں لیکن شرط یہ ہے کہ وزیراعظم مستعفی ہوجائیں اور مجھے ملک چلانے دیں۔ انہوں نے  یہ بھی کہا تھا کہ ’اگر نہیں تو پھر پاکستانیوں کو مطالبہ کرنا چاہیے کہ عزت دار، زیتون کے باغات، سیاحت، انسداد بدعنوانی سے محبت کرنے والے عمران خان کے پاس اس کا  کیا حل ہے ۔ وقار ذکاء نے تمام سیاستدانوں کو مخاطب کرتے ہوئے کہا تھا کہ ’میں تمام سیاستدانوں کو چیلنج کرتا ہوں کہ بتائیں اگر ان کے پاس کوئی آئیڈیا ہے تو۔‘ 

خیال رہے کہ گزشتہ برس کورونا وائرس کی خطرناک وباء کے باوجود وقار ذکا کی انتھک محنت کے نتیجے میں خیبر پختونخو  اسمبلی میں کرپٹو کرنسی سے متعلق بل پاس ہوا۔

واضح   رہے کہ وقار ذکا کے  ٹوئٹر اور انسٹاگرام پر تقریباً پانچ، پانچ لاکھ فالوورز ہیں اور فیس بک پر بھی 35 لاکھ سے زائد افراد ان کے مداح ہیں۔ سوشل میڈیا پر سراہے جانے کے  بعد انھوں نے سوشل میڈیا پر ہی متعدد ایسے پرائیوٹ گروپس بنا رکھے ہیں جہاں وہ گذشتہ چند سال سے لوگوں کو کرپٹو کرنسی میں سرمایہ کاری کرنے کے طریقے بتاتے ہیں ۔ اور انھیں اس شعبے کی جانب آنے کی ترغیب دیتے نظر آتے  ہیں۔