گوجرہ میں ڈور پھرنے سے 12 سالہ بچی جاں بحق

تفصیلات کے مطابق  تھانہ سٹی گوجرہ کی حدود میں گلے پر پتنگ کی ڈور پھرنے سے 12 سالہ بچی عبرش جاں بحق ہو گئی ہے۔  عبرش اپنے رشتہ داروں سے ملنے گوجرہ آئی تھی اور  شاہ کوٹ کی رہائشی تھی۔

پولیس نے متعدد پتنگ فروشوں کو گرفتار کرلیا جن سے سینکڑوں چرخیاں اور پتنگ بھی برآمد ہوئی ہیں۔ ڈی پی او ٹوبہ ٹیک سنگھ عمر فاروق نے ایس ایچ او تھانہ سٹی رانا اکرم کو معطل کردیا۔

دوسری جانب  وزیراعلیٰ پنجاب سردار عثمان نے گوجرہ میں ڈور پھرنے سے بچی کے جاں بحق ہونے کے واقعہ کا نوٹس لے لیا ہے۔وزیر اعلی عثمان بزدار نے آر پی او فیصل آباد سے رپورٹ طلب کرلی ہے۔

وزیر اعلی پنجاب نے غفلت کے ذمہ داروں کے خلاف قانون کے تحت کارروائی کا حکم دیے دیا۔عثمان بزدار نے کہا کہ  پتنگ بازی کے واقعات نا قابل برداشت ہیں۔پتنگ بازی پر پابندی کے قانون پر سختی سے عملدرآمد یقینی بنایا جائے۔

وزیراعلیٰ پنجاب عثمان بزدارنے بچی کے غمزدہ خاندان سے دلی ہمدردی و اظہار تعزیت بھی کیا۔