سعودی عرب میں دنیا کے سب سے بڑے نور ریاض فیسٹیول کا آغاز

سعودی عرب میں نور ریاض فیسٹیول کے تیسرے ایڈیشن کا آغاز ہو گیا ہے اس موقع پر مملکت کا دارالحکومت رنگ اور روشنیوں میں ڈوب گیا۔

عرب میڈیا کے مطابق سعودی عرب میں دنیا کے سب سے بڑے فیسٹیول ’’نور ریاض فیسٹیول‘‘ کے تیسرے ایڈیشن کا آغاز ہو گیا ہے جو 16 دسمبر تک جاری رہے گا۔ اس فیسٹیول کے لیے دارالحکومت کو رنگ اور روشنیوں سے منور کر دیا گیا ہے۔

احتفالنا يشع نور بزيارتكم.
بانتظاركم المزيد من الثقافة والفنون في الأيام المقبلة، شاركونا لحظاتكم في الاحتفال على هاشتاق #نور_الرياض.

Your presence lights up our Festival. More culture and art awaits you in the coming days. Share your moments with us on the hashtag #NoorRiyadh pic.twitter.com/uNG1A58zcy

— نور الرياض (@NoorRiyadhFest) December 6, 2023

ریاض کی بلند وبالا عمارتیں جگمگاتی لیزر لائٹس سے روشن ہو گئی ہیں اور دلکش روشنیاں شہر کی خوبصورتی میں مزید اضافہ کر رہی ہیں۔

شہر کے مختلف مقامات پر دنیاکے نامور فن کاروں کی جانب سے روشنی کے فن پارے بھی سجائے گئے ہیں جو روشنی کی مدد سے دیکھنے والوں کو حیران کر رہے ہیں۔ ان فن پاروں میں تاریخی، تعمیراتی، سنگ تراشی جیسے فن پارے شامل ہیں۔

ریاض نور فیسٹیول میں بچوں کی دلچسپی کے لیے اسکیٹنگ کے مقابلے بھی منعقد کیے جا رہے ہیں جب کہ اس نمائش کو دیکھنے کے لیے سعودی شہریوں سمیت دیگر ممالک کے لوگ بھی جوق درجوق آ رہے ہیں اور لطف اندوز ہو رہے ہیں۔