یو اے ای نے ای سی بی کو پی ایس ایل کروانے کی اجازت دیدی

تفصیلات کے مطابق  متحدہ عرب امارات (یو اے ای) حکومت نے ایمریٹس کرکٹ بورڈ کو پی ایس ایل کروانے کی اجازت دے دی ہے۔ایمریٹس کرکٹ بورڈ  نے پاکستان کرکٹ بورڈ (پی سی بی ) کو آگاہ کر دیا ہے۔

ذرائع کے مطابق  پاکستان سپر لیگ  (پی ایس ایل)  کے میچز ابوظہبی میں کھیلے جائیں گے جبکہ  باضابطہ اعلان جلد متوقع ہے۔

قبل ازیں  کھلاڑیوں نے پاکستان سپر لیگ 6  کی تیاریاں شروع کردیں  ہیں ۔پاکستان کرکٹ بورڈ (پی سی بی) کی ہدایت پر مقامی کھلاڑیوں کی پہلی کورونا ٹیسٹنگ شروع کردی گئی۔

ذرائع کے مطابق  بیشتر مقامی کرکٹرز نے اپنے اپنے شہروں میں پہلا کورونا ٹیسٹ کروا لیا، پاکستان کرکٹ بورڈ کو یو اے ای کی جانب سے این او سی ملنے کا انتظار  ہے۔این او سی ملنے کی صورت میں کھلاڑی پہلے لاہور اور پھر ابو ظہبی میں قرنطینہ کریں گے۔

خیال رہے کہ  پی سی بی نے پی ایس ایل کے بقیہ میچز کا انعقاد آئندہ ماہ کروانے کا اعلان کر رکھا ہے۔ لیگ کے بقیہ میچز کراچی سے منقتل کرنے کا فیصلہ کیا گیا تھا۔ لیگ کے میچز متحدہ عرب امارات کروانے کا فیصلہ پی سی بی اور فرنچائز مالکان کے اجلاس میں کیا گیا تھا۔ اجلاس کے بعد پاکستان کرکٹ بورڈ نے امارات کرکٹ بورڈ کو لیگ کےحوالے سے خط لکھا تھا ۔