(ن) لیگ کا واضح فیصلہ ہے کہ 8 فروری کو انتخابات ہوں،مریم اورنگزیب

پاکستان مسلم لیگ نون کی رہنما مریم اورنگزیب نے کہاہے کہ ان کی جماعت آئندہ ہفتے سے اپنی انتخابی مہم شروع کرے گی اوراپنا معاشی ایجنڈا عوام کے سامنے رکھے گی۔

انہوں نے آج (ہفتہ) لاہور میں صحافیوں سے گفتگو کرتے ہوئے کہا کہ مسلم لیگ نون کسی کو انتخابات سے راہ فرار اختیار نہیں کرنے دے گی۔

انہوں نے کہاکہ ملک کے باشعور عوام انتخابات میں 9مئی کے بجائے اٹھائیس مئی کے لوگوں کا انتخاب کریںگے۔

انہوں نے مزید کہا کہ مسلم لیگ(ن) کا دوٹوک فیصلہ ہے کہ 8 فروری 2024 کو عام انتخابات ہوں۔ الیکشن کمیشن آف پاکستان کے جاری کردہ شیڈول کے مطابق انتخابات کی بھرپور تیاریاں جاری ہیں۔

عوام 8 فروری کو اپنی رائے کا حق استعمال کرتے ہوئے پاکستان کی ترقی، امن اور خوشحالی کے حق میں فیصلہ کرے گی۔