قیدیوں کا اگلا تبادلہ اگلے ہفتے 25 جنوری کو ہو گا ، میڈیا کی رپورٹ کے مطابق غزہ سے چار مغویوں کو تبادلے میں رہا کر دیا جائے گا


غزہ:غزہ میں حماس اور اسرائیل کے مابین جنگ بندی معاہدے کے تحت جیلوں سے 90 فلسطینی قیدیوں کو رہا کر دیا گیا۔
غیر ملکی میڈیا رپورٹس کے مطابق حماس نے جنگ بندی معاہدے کے تحت اتوار کو پہلے تین اسرائیلی قیدیوں کو ریڈ کراس کے حوالے کیا۔
بعد ازاں اسرائیل نے جنگ بندی معاہدے کے تحت مختلف جیلوں سے رہائی پانے والے 90 فلسطینی قیدیوں کی فہرست جاری کی جن میں 69 خواتین اور 21 بچے شامل تھے۔
ریڈ کراس کی جانب سے اسرائیل کی اوفر جیل میں جنگ بندی معاہدے کے تحت رہا کیے گئے فلسطینی قیدیوں کی تصدیق کی گئی ہے۔ جس کے بعد اسرائیلی جیلوں سے 90 فلسطینی قیدیوں کو رہا کر دیا گیا۔
غیر ملکی کے مطابق رہائی پانے والے فلسطینی قیدیوں کا مغربی کنارے پہنچنے پر پرتپاک استقبال کیا گیا۔
رپورٹ میں کہا گیا ہے کہ اسرائیلی جیلوں سے رہا ہونے والے فلسطینی قیدی دو بسوں میں مغربی کنارے کے شہر بیتونیہ پہنچے۔
اسرائیل کی طرف سے رہائی پانے والے 90 قیدیوں میں سے ایک فلسطینی طالبہ نے نیوز ایجنسی کو بتایا کہ اس کی حراست کے دوران حالات خوفناک تھے اور اسے خوراک اور پانی تک محدود رسائی حاصل تھی۔
حماس کا کہنا ہے کہ قیدیوں کا اگلا تبادلہ اگلے ہفتے 25 جنوری کو ہو گا جب کہ اسرائیلی میڈیا کی رپورٹ کے مطابق غزہ سے چار مغویوں کو تبادلے میں رہا کر دیا جائے گا۔
دوسری جانب اسرائیلی میڈیا جنگ بندی کے بعد غزہ کی صورتحال پر تبصرہ کر رہا ہے۔
اسرائیلی میڈیا رپورٹس کے مطابق غزہ میں حماس کے کارکن سڑکوں پر نظر آ رہے ہیں۔ حماس کو غزہ میں سرنگوں سے نکل کر دوبارہ کنٹرول حاصل کرتے ہوئے دیکھا جا رہا ہے اور حماس کے مزاحمتی جنگجو ویڈیوز میں پک اپ ٹرکوں میں گشت کرتے ہوئے دکھائی دے رہے ہیں۔
اسرائیلی میڈیا کا کہنا ہے کہ حماس کی پولیس دوبارہ منظم ہو رہی ہے اور غزہ کا کنٹرول سنبھال رہی ہے اور حماس پولیس غزہ میں امن و امان کی بحالی کے لیے پیش رفت کر رہی ہے۔
اسرائیلی اخبار نے اپنے تبصرے میں کہا ہے کہ فلسطینی میڈیا جنگ بندی کو حماس کی فتح کے طور پر پیش کر رہا ہے۔ حماس غزہ پر کنٹرول برقرار رکھنے کی حکمت عملی پر عمل پیرا ہے۔ اسرائیلی فوج نے حماس کی 20 بٹالین کو ختم کر دیا لیکن انہیں تباہ نہیں کیا گیا۔
خیال رہے کہ فلسطینی محکمہ صحت کے مطابق غزہ پر 15 ماہ سے جاری اسرائیلی جنگ میں ہزاروں بچوں اور خواتین سمیت 47 ہزار 899 فلسطینی شہید جب کہ ایک لاکھ 10 ہزار سے زائد فلسطینی زخمی اور ہزاروں لاپتہ ہیں۔

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 9 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 9 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 8 days ago

پیٹرول اور ڈیزل کی قیمتوں میں کمی کا اعلان
- 11 days ago
پہلے ایل پی جی اوراب بجلی بم گرا دیا گیا
- 10 days ago

پولیس افسران کی ترقیوں کے خلاف پنجاب حکومت کی اپیلیں خارج
- 9 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 8 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 8 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 9 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 10 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 8 days ago








