Advertisement

مراکش: احتجاجی تحریک کی قیادت کرنے والے نوجوان گروپ کا حکومت سے مستعفی ہونے کا مطالبہ

نوجوان رہنما گروہ ’جنریشن زی 212‘ نے اپنی پوزیشن واضح کرتے ہوئے تمام گرفتار مظاہرین کی فوری رہائی کا بھی مطالبہ کیا ہے۔

GNN Web Desk
شائع شدہ ایک سال قبل پر اکتوبر 3 2025، 9:25 شام
ویب ڈیسک کے ذریعے
مراکش: احتجاجی تحریک کی قیادت کرنے والے نوجوان گروپ کا حکومت سے مستعفی ہونے کا مطالبہ

 

رباط – مراکش میں جاری پرتشدد مظاہروں کی قیادت کرنے والے نوجوانوں کے متحرک گروپ ’جنریشن زی 212‘ نے حکومت سے فوری طور پر اقتدار چھوڑنے کا مطالبہ کر دیا ہے۔

غیر ملکی ذرائع ابلاغ کے مطابق، یہ مطالبہ گزشتہ چھ روز سے جاری عوامی مظاہروں کے دوران تین افراد کی ہلاکت اور 300 سے زائد افراد کے زخمی ہونے کے بعد سامنے آیا ہے۔

احتجاجی تحریک کا آغاز اس وقت ہوا جب اگادیر کے ایک سرکاری اسپتال میں آٹھ حاملہ خواتین کی ہلاکت کی خبر سامنے آئی، جس نے عوامی غم و غصے کو بھڑکا دیا۔ مظاہرین کا موقف ہے کہ حکومت کو ترقیاتی منصوبوں اور بین الاقوامی کھیلوں کی میزبانی پر بجائے، صحت و تعلیم کے نظام کو ترجیح دینی چاہیے۔

نوجوان رہنما گروہ ’جنریشن زی 212‘ نے اپنی پوزیشن واضح کرتے ہوئے تمام گرفتار مظاہرین کی فوری رہائی کا بھی مطالبہ کیا ہے۔

مراکش کے وزیراعظم عزیز اخنوش نے مظاہروں کے آغاز کے بعد پہلی مرتبہ عوام سے خطاب کرتے ہوئے کہا کہ حکومت احتجاجی مطالبات پر بات چیت کے لیے تیار ہے۔ انہوں نے بدھ کی رات پیش آنے والے واقعات کو "افسوسناک" قرار دیا، جن میں مظاہرین کی ہلاکتیں ہوئیں۔

مراکش کی وزارت داخلہ کے مطابق، ہلاک ہونے والے افراد اس وقت جان سے گئے جب انہوں نے ایک پولیس اسٹیشن پر حملے کی کوشش کی۔

Advertisement
رجحانات
Advertisement