امیر حیدر خان ہوتی کا شکست تسلیم کرتے ہوئے پارٹی عہدے سے مستعفی ہونے کا اعلان

عوامی نیشنل پارٹی کے سینیئرنائب صدر امیرحیدر خان ہوتی نے این اے 22مردان میں پی ٹی آئی کے حمایت یافتہ آزاد امیدوار عاطف خان سے شکست تسلیم کرتے ہوئےپارٹی میں اپنے عہدے سے مستعفی ہونے کا اعلان کردیا۔

مردان این اے 22 سے نومنتخب ممبرقومی اسمبلی عاطف خان اور نومنتخب رکن صوبائی اسمبلی عبدالسلام خان کو مبارکباد پیش کرتا ہوں۔ اب مردان کے عوام کی نمائندگی یہ دونوں اراکین کریں گے اور یہ ہمارے حلقے کے عوام کا حق ہے کہ منتخب نمائندے انکی خدمت کریں۔ عوام کا فیصلہ تسلیم کرتے ہیں۔

— Ameer Haider Khan Hoti (@HaiderHotiANP) February 9, 2024

امیرحیدرخان ہوتی نے سماجی رابطوں کی پلیٹ فارم ایکس پر اپنی پوسٹ میں پارٹی کے سینئر نائب صدر کے عہدے سے مستعفی ہونے کا اعلان کرتے ہوئے عاطف خان اور اسی حلقے سے منتخب رکن صوبائی اسمبلی عبدالسلام خان مبارکباد دی۔

میرے آبائی ضلع مردان کے تمام حلقوں پر اے این پی کی شکست کی ذمہ داری کھلے دل سے تسلیم کرتا ہوں۔ میرے حلقہ اور مردان کے عوام نے اگر ہم پر اعتماد نہیں کیا تو اور اسی شکست کی ذمہ داری قبول کرتے ہوئے پارٹی کے مرکزی سینئر نائب صدر کے عہدے سے مستعفی ہونے کا اعلان کرتا ہوں اور پارٹی کے…

— Ameer Haider Khan Hoti (@HaiderHotiANP) February 9, 2024

انہوں نے کہا کہ میرے آبائی ضلع مردان کے تمام حلقوں پر اے این پی کی شکست کی ذمہ داری کھلے دل سے تسلیم کرتا ہوں۔ میرے حلقہ اور مردان کے عوام نے اگر ہم پر اعتماد نہیں کیا تو اور اسی شکست کی ذمہ داری قبول کرتے ہوئے پارٹی کے مرکزی سینئر نائب صدر کے عہدے سے مستعفی ہونے کا اعلان کرتا ہوں اور پارٹی کے ادنیٰ رکن کے حیثیت سے باچاخان کے قافلے کا حصہ رہوں گا۔

اُن کا مزید کہنا تھا کہ پارٹی کے ادنیٰ رکن کے حیثیت سے باچاخان کے قافلے کا حصہ رہوں گا۔