لندن،انگلش پریمیئر لیگ کے دلچسپ مقابلے جاری،ہفتے کو 7 میچ کھیلے جائیں گے

لندن: انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔

ای پی ایل میں کل ( بروز ہفتہ )مزید 7 میچوں کا فیصلہ ہوگا۔پہلا میچ برینٹ فورڈ اور چیلسی کی ٹیموں کے درمیان جی ٹیک کمیونٹی سٹیڈیم برینٹ فور ڈ میں کھیلا جائے گا،دوسرے میچ میں ایورٹن اور ویسٹ ہیم یونائیٹڈ کی ٹیمیں گوڈیسن پارک، لیورپول میں آمنے سامنے ہوں گی، تیسرا میچ فلہم اور برائٹن اینڈ ہوو البیون کی ٹیموں کے درمیان کریون کاٹیج لندن میں کھیلا جائے گا۔

چوتھا میچ نیو کیسل یونائیٹڈ اور وولور ہیمپٹن کی ٹیموں کے درمیان سینٹ جیمز پارک نیوکیسل میں کھیلا جائے گا، پانچویں میچ میں نوٹنگھم فاریسٹ اور لیورپول کی ٹیمیں دی سٹی گرائونڈنوٹنگھم شائر کے مقام پر آمنے سامنے ہوں گی۔ چھٹا میچ ٹوٹنہم ہاٹ پور اور کرسٹل پیلس کی ٹیموں کے درمیان ٹوٹنہم ہاٹ پور سٹیڈیم لندن میں کھیلا جائے گا۔

جبکہ 2 مارچ کے ساتویں اور آخری میچ میں لوٹن ٹاؤن اور آسٹن ولا کی ٹیمیں کینیل ورتھ روڈ لوٹن کے مقام پر نبرد آزما ہوں گی ۔یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15 جون 2023 کو کیا گیا تھا۔ مانچسٹر سٹی کی ٹیم ای پی ایل میں اپنے اعزاز کا دفاع کے لئے کوشاں ہے لیور پول کی ٹیم پوائنٹس ٹیبل پر سب سے زیادہ 60 پوائنٹس کے ساتھ ٹیبل پر ٹاپ پوزیشن پر موجود ہے۔