24 گھنٹوں میں اسرائیل کے حملوں میں مزید 85 فلسطینی شہید

غزہ میں گزشتہ 24 گھنٹوں کے دوران اسرائیل کے بے گناہ شہریوں پر جاری حملوں میں کم از کم 85 فلسطینی شہید اور130 زخمی ہوگئے۔

فلسطین کی وزارت صحت کا کہنا ہے کہ اسرائیلی فوج نے غزہ میں 8  خاندانوں کا قتل عام کیا ہے۔گزشتہ سال سات اکتوبر سے غزہ پر اسرائیلی جارحیت میں  31500 فلسطینی شہید اور 72 ہزار  زخمی ہوچکے ہیں۔

ادھر فلسطینی پناہ گزینوں کے بارے میں اقوام متحدہ کے امدادی ادارے کے سربراہ نے کہا کہ رمضان کا مقدس مہینہ شروع ہوچکا ہے اور غزہ میں تیزی سے قحط پھیل رہا ہے جبکہ شمالی غزہ کے علاقے میں بھوک سے دو مزید فلسطینی جاں بحق ہوچکے ہیں۔ اس طرح غذائی قلت سے اموات کی مجموعی تعداد پچیس ہوگئی ہے۔