میامی اوپن ٹینس ٹورنامنٹ 17مارچ سےشروع ہوگا

فلوریڈا: میامی اوپن ٹینس ٹورنامنٹ کا39 واں ایڈیشن 17 مارچ سے امریکی ریاست فلوریڈا میں شروع ہوگا۔

ٹورنامنٹ کے کامیاب انعقاد کے لئے تیاریاں عروج پر ہیں۔ ٹورنامنٹ میں ویمنز سنگلز، ویمنز ڈبلز، مینز سنگلز اور مینز ڈبلز مقابلے ہوں گے۔

ٹورنامنٹ پہلی مرتبہ 1985 میں کھیلا گیا تھا۔ جس کا مینز سنگلز ایونٹ امریکا کے ٹم مایوٹی نے ہم وطن حریف کھلاڑی سکاٹ ڈیوس کو شکست دےکر جیتا تھا جبکہ ویمنز سنگلز کا ٹائٹل بھی میزبان مارٹینا ماوراٹیلووا نے ہم وطن کرس ایورٹ کو شکست دیکر حاصل کیا تھا۔

ٹورنامنٹ انتظامیہ کے مطابق ایونٹ ہارڈ کورٹ آئوٹ ڈورپر کھیلا جائے گا جس میں دنیائے ٹینس کی نامور کھلاڑی ایکشن میں نظر آئیں گے۔

اے ٹی پی ایونٹ کا 38واں ٹائٹل روسی نامور ٹینس سٹار ڈینیئل مدویدیف نے جیتا تھا جبکہ ویمنز سنگلز مقابلوں میں جمہوریہ چیک کی ٹینس سٹار پیٹرا کوویٹووا ٹائٹل کے دفاع کے لئے پنجہ آزمائی کریں گی۔ ٹورنامنٹ 31 مارچ کو اختتام پذیر ہوگا۔