غزہ جنگ بندی معاہدے کے قریب ہے، امریکی وزیر خارجہ

امریکی وزیر خارجہ انتھونی بلینکن نے کہا کہ غزہ میں جنگ بندی کا معاہدہ قریب ہے۔

امریکی وزیر خارجہ انتھونی بلینکن نے عرب میڈیا کو انٹرویو دیتے ہوئے کہا کہ امریکا حماس سے نمٹنے کے لیے متبادل آپشنز پر غور کر رہا ہے اور  رفح میں بڑے پیمانے پر اسرائیلی زمینی کارروائی کی حمایت نہیں کرتا۔

انتھونی بلینکن نے مزید کہا کہ غزہ جنگ کا خاتمہ چاہتے ہیں تاکہ غزہ کی پٹی کے مستقبل پر کام کیا جا سکے۔ بحیرہ احمر میں جو کچھ ہو رہا ہے وہ صرف امریکی مسئلہ نہیں بلکہ بین الاقوامی مسئلہ ہے۔ امریکا ایران پر دباؤ ڈال رہا ہے کہ وہ حوثیوں پر اپنا اثر و رسوخ استعمال کرے۔

امریکی وزیرخارجہ بولے کہ  امداد کی ترسیل کے لیے غزہ تک سمندری پل پر کام 2 ہفتوں بعد شروع ہو جائے گا۔ حماس کو غزہ میں انسانی حالات کی پرواہ نہیں ہے اور نہ وہ مذاکرات میں رعایت دے گی۔

امریکی وزیرخارجہ انٹونی بلنکن غزہ میں جنگ بندی کی کوششوں کے سلسلے میں مشرق وسطیٰ کے دورے کے پہلے مرحلے میں سعودی عرب پہنچے۔ وہ سعودی عرب سے مصر جائیں گے اور پھر اسرائیل کا دورہ کریں گے۔